რას მოგიტანთ ახალმთვარეობა ლომში, პროგნოზი ზოდიაქოს ყველა ნიშნისთვის

28 ივლისს, 21:54-ზე ახალმთვარეობას ველოდებით ლომის ზოდიაქოში, მე-6 გრადუსში. ახალმთვარეობის მოვლენებზე სტატია უკვე დევს საიტზე და შეგიძლიათ გაეცნოთ. ახლა კი გთავაზობთ ახალმთვარეობის პროგნოზს. გაეცანით მას თქვენი მზისა და ასცენდენტის მიხედვით, რათა კონკრეტულ საკითხებს მიაქციოთ ყურადღება და უკეთესად წარმართოთ თქვენი საქმეები, ცხოვრება. ახალმთვარეობის პროგნოზი აქტიურია მომდევნო ორი კვირის განმავლობაში, აგვისტოს სავსემთვარეობამდე.

ვერძი

შემოქმედებითი იდეების განხორციელება გელოდებათ. შეიძლება ახალი ჰობი გამოგიჩნდეთ, რაც წარმატებას პოპულარობას მოგიტანთ. დაწყვილებულების ცხოვრებაში რომანტიკული ურთიერთობები მეტად საინტერესოდ წარიმართება. შეიძლება სერიოზულ საფეხურზე გადახვიდეთ. ან ერთად დაიწყოთ ახალი მიზნების განხორციელება. მარტოხელებს გელოდებათ საინტერესო ნაცნობობა, ფლირტი. ზოგიერთმა კი შეიძლება ყოფილთან განაახლოთ ურთიერთობა. გამოგიჩნდებათ თავისუფალი დრო, რომელსაც საინტერესოდ გაატარებთ. მოგინდებათ დღესასწაულებზე დასწრება, მხიარულება. მეტი დრო გაატარეთ შვილებთან ერთად. ზოგიერთმა კი შეიძლება გაიგოთ, რომ შვილი გეყოლებათ.

კურო

მეტი დროის გატარება მოგინდებათ ოჯახის წევრების გვერდით. იზრუნებთ საყოფაცხოვრებო პირობების გაუმჯობესებაზე. მოგინდებათ უძრავი ქონების შესყიდვა, სახლის აშენება ან გარემონტება. ბინაში ინტერიერს განახლება. შეიძლება ოჯახში ახალი წევრი შემოგემატოთ. ზოგი კი შეიცვლით მისამართს.

ტყუპი

მოიმატებს თქვენი სოციალური აქტიურობა. გაიცნობთ და დაუმეგობრდებით საინტერესო ადამიანებს. აგრეთვე, სიახლეები გელოდებათ მათთან, ვისთანაც ყოველდღიური კონტაქტი გაქვთ. გახშირდება შეხვედრები და-ძმებთან. შეიძლება მეზობლებთან ერთად ჩაერთოთ ახალ საქმიანობაში. მოიმატებს მივლინება, პიკნიკები. გააფორმებთ ახალ ხელშეკრულებებს, დოკუმენტებს. გადაწყვეტთ ახლის შესწავლას. ან შეიძლება ახალი ავტომობილი შეიძინოთ.

კირჩხიბი

სიახლეები გელოდებათ ფინანსურ თემებში. მატერიალური მდგომარეობის გაუმჯობესების შანსი მოგეცემათ. შეიძლება შემოსავლის დამატებითი წყარო გამოგიჩნდეთ. აკონტროლეთ შემოსავალი და გასავალი. გააფორმებთ თქვენთვის სარგებლის მომტან ხელშეკრულებას. ზოგიერთს შემოგთავაზებენ ახალ, მაღალანაზღაურებად თანამდებობას.

ლომი

გილოცავთ, ახალმთვარეობა თქვენს ნიშანია! ეს არის საუკეთესო დრო განახლების, ახალი საქმეების დაწყებისთვის. იგრძნობთ ენერგიის მომატებას და არ გაგიჭირდებათ რთული საქმეების შესრულება. ზოგიერთმა შეიძლება მოინდომოთ ვარცხნილობის, იმიჯის შეცვლა. კარგი იქნება, თუ იზრუნებთ ჯანმრთელობის გაუმჯობესებაზე, აიმაღლებთ იმუნიტეტს. შეიძლება შეგეცვალოთ მოთხოვნები, შეხედულებები, დამოკიდებულება კონკრეტული ადამიანის მიმართ. გაგიჩნდებათ ახალი მიზნები და მათი განხორციელების ახალი შესაძლებლობებიც მოგეცემათ. შეძლებთ თქვენი ნიჭის, შესაძლებლობების უკეთ გამოვლენას.

ქალწული

მიიღებთ საჭირო ინფორმაციას, საბუთებს, რასაც სათქვენოდ გამოიყენებთ. ზოგიერთი გაიგებთ ამბებს თქვენს ახლობლებზე. ამოაჩენთ იმ მიზეზებს, რაც განვითარებაში გიშლით ხელს. მოგინდებათ განმარტოებით ან დამოუკიდებლად მუშაობა კონკრეტულ პროექტზე, კარგი იქნება, თუ მეტ დროს დაუთმოთ დასვენებას, წმინდა ადგილების მონახულებას, შემოქმედებითი იდეების განხორციელებას. აგრეთვე, კარგი იქნება ქველმოქმედებაც, ნივთებით ან პროდუქტებით ახლობლების დახმარება. ზოგიერთმა შეიძლება ემიგრაციაში გამგზავრება გადაწყვიტოთ ან უცხო ქვეყნებში მცხოვრებთან გექნებათ ხშირი კონტაქტი.

სასწორი

განახლება და სიახლეები გელოდებათ იმ ადამიანებთან ვისთანაც საერთო ინტერესები, მეგობრობა გაკავშირებთ. შეიძლება მეგობრებთან ერთად ახალი მიზანი დაისახოთ ან უკვე არსებულის განვითარება დაიწყოთ. ზოგიერთმა შეიძლება სურვილები აისრულოთ მეგობრების დახმარებით. გაიჩენთ ახალ მეგობრებს. მოიმატებს თქვენი პოპულარობა ინტერნეტქსელებში. შეიძლება ახალი ჯგუფის, კოლექტივის წევრი გახდეთ. გაგიუმჯობესდებათ დამოკიდებულება საქმიან და პირად პარტნიორებთან, ოჯახის წევრებთან.

მორიელი

განახლება და სიახლეები გელოდებათ პროფესიულ სფეროში. შეიძლება გადაწყვიტოთ საქმიანობის შეცვლა, გელოდებათ დაწინაურება ან შეგეცვალოთ სამუშაო გრაფიკი, კოლექტივი. თუ მაძიებელი ხართ, მიიღებთ ახალ სამსახურს. საუკეთესი შანსები მოგეცემათ სოციალური სტატუსის ასამაღლებლად. მიაქციეთ ყურადღება ჯანმრთელობის გაუმჯობესებას. უპირატესობა მიანიჭეთ ძვირად ღირებულ მომსახურებას, პროფესიონალებთან კონსულტაციას.

მშვილდოსანი

უცხოეთში მოგზაურობის, საინტერესო ადგილების მონახულების შანსი მოგეცემათ. გააუმჯობესებთ დამოკიდებულებას უცხოელებთან - ახლობლებთანაც და ახალგაცნობილებთანაც. მათთან ერთად შეიძლება ახალ საქმიანობაში ჩაერთოთ. საზღვარგარეთ მოგზაურობის დროს შეიძლება ან ახალი მეგობრები გაიჩინოთ, ან - ახალი სასიყვარულო პარტნიორი. მოგეცემათ უმაღლესი განათლების მიღების შანსი. კარგი იქნება, თუ დაიწყებთ ვარჯიშს, დიეტას.

თხის რქა

გაგიუმჯობესდებათ მატერიალური მდგომარეობა. ფულს მიიღებთ ადრე შესრულებული საქმისგან, საქმიანი ან სასიყვარულო პარტნიორისგან. შეიძლება აგინაზღაურდეთ დაზღვევა. ან აიღებთ კრედიტს, ან უკვე არსებულს დაფარავთ. ფულადი დახმარება შეიძლება მიიღოთ ახლობლებისგან ან თქვენი საქმიანობით მატერიალურად დამოუკიდებელი გახდებით. თქვენს სასიკეთოდ მოგვარდება სახლის მშენებლობის ან რემონტის საკითხები.

მერწყული

სიახლეები გელოდებათ საქმიან და სასიყვარულო სფეროში. გაიჩენთ ახალ საქმიან პარტნიორს. გააფორმებთ სარფიან ხელშეკრულებას. ან შეიძლება არსებულ პარტნიორთან ერთად დაიწყოთ ახალ პროექტზე მუშაობა. მარტოხელებს გელოდებათ რომანტიკული ნაცნობობა და უკვე დაწყვილებულებს რომანტიკული ცხოვრების გაუმჯობესება. საყვარელ ადამიანთან ერთად დაიწყებთ ახალ საქმიანობას. შეყვარებულებმა შეიძლება თანაცხოვრება ან ოფიციალურად დაქორწინება გადაწყვიტოთ.

თევზები

ცვლილებები გელოდებათ ყოველდღიურ ცხოვრებაში. განახლებები - სამსახურის საქმეებში. შეიძლება შეგეცვალოთ სამუშაო გარფიკი, კოლექტივის შემადგენლობა. თუ მაძიებელი ხართ, მიიღებთ ახალ სამსახურს. ან შეიძლება არსებულ სამსახურში მოგემატოთ ვალდებულებები. კარგი იქნება, თუ იზრუნებთ ბინის კეთილმოწყობაზე, გაუმჯობესებთ საცხოვრებელ პირობებს. ჯანმრთელობას რაც შეეხება, გაიუმჯობესეთ ძილისა და კვების რეჟიმი, დაიწყეთ ვარჯიში, დიეტა. უარი თქვით მავნე ჩვევებზე. გამოგიჩნდებათ შემოსავალის დამატებითი წყარო და შეძლებთ სასურველი ნივთების შეძენას.