ავტორი:

როგორი იქნება 2020 ძაღლის წელიწადში დაბადებულებისთვის - აღმოსავლური პროგნოზი სტიქიების მიხედვით

როგორი იქნება 2020 ძაღლის წელიწადში დაბადებულებისთვის - აღმოსავლური პროგნოზი სტიქიების მიხედვით

მშვიდად და აუჩქარებლად, - ეს 2020 წლის დევიზად უნდა გაიხადოთ. თუ მნიშვნელოვანი საკითხების მოგვარებისას არ აჩქარდებით და დაკვირვებული იქნბეით, სწორ გადაწყვეტილებებს მიიღებთ. ნუ შეუდგებით ყველა საქმის ერთდროულად მოგვარებას. იყავით დაკვირვებული მუშაობისას. განსაკუთრებით, როცა საქმე პირად ცხოვრებას და ოჯახს ეხება. მოერიდეთ დაპირისპირებას უფროსთან. საინტერესო შემოთავაზებებს მიიღებთ, გაგიუმჯობესდებათ მატერიალური მდგომარეობა. ერთ რჩევას მოგცემთ, დიდხნიანი პროექტები არ აიღოთ და ავანსი წინასწარ გამოართვით. დიდი სირთულეების გადალახვა მოუწევს მათ, ვინც კერძო ფირმის გახსნას ან პირადი ბიზნესის დაწყებას აპირებს.

მეტი დრო უნდა გაატაროთ შინ, აქტიურად ჩაერთეთ საყოფაცხოვრებო საკითხების მოგვარებაში. იყავით ნაკლებად პრეტენზიული და კრიტიკული. არ იკამათოთ ნათესავებთან და უფრო მეტი, არ გაიფუჭოთ მათთან დამოკიდებულება. მარტოხელებს დაუვიწყარი შეხვედრა გელით. გააბამთ რომანს თქვენთვის საინტერესო ადამიანთან.

მეტი დრო დაუთმეთ დასვენებას, სიამოვნების მიღებას. იყიდეთ სამოგზაურო ტური და კულტურულად დაისვენეთ. ჩაიტარეთ ორგანიზმის გამაჯანსაღებელი პროცედურები. გახსოვდეთ, რომ მრავალი დაავადება უყურადღებობის შედეგად ვითარდება. კარგი იქნება, თუ შემოსავლის დამატებით წყაროს გამონახავთ. შემოდგომაზე მარტოხელებს რომანტიკული სიურპრიზი გელოდებათ. ახალი პარტნიორი თქვენს გულს გაახარებს.

  • 2020 წლის პროგნოზი ქალბატონი ძაღლისთვის

დასვენებისა და საკუთარ თავზე ზრუნვის წელი დაგიდგათ. ისწავლეთ დროის სწორად განაწილება. თუმცა, შოპინგით ზედმეტმა გატაცებამ შეიძლება მატერიალური უსიამოვნებები მოგიტანოთ. აკონტროლეთ ემოციები. იყავით მეტად მიზანმიმართული და გათავისუფლდით იმ თვისებებისგან, რაც განვითარებში გიშლიდათ ხელს. ეცადეთ, მეტად დაუახლოვდეთ ნათესავებს, აგრეთვე, ხშირად გახვიდეთ ბუნებაში. აკონტროლეთ კვება, რათა წლის განმავლობაში ზედმეტი კილოგრამები არ აკრიფოთ.

  • 2020 წლის პროგნოზი მამაკაცი ძაღლისთვის

დაოჯახებისა და კარიერის გაკეთების წელი დაგიდგათ. მარტივად მოაგვარებთ ძველ კონფლიქტებსა და უსიამოვნებებს. გაამყარებთ დამოკიდებულებას კოლეგებთან. საქმიანი და შრომისმოყვარე თუ იქნებით, კოლექტივში ავტორიტეტით ისარგებლებთ. ფული ზომიერად ხარჯეთ, რომ წლის ბოლოსთვის ვალებში არ აღმოჩნდეთ.

  • 2020 პროგნოზი ცეცხლოვანი ძაღლისთვის (დაბადების თარიღები - 2. 02. 1946 - 21. 01. 1947; 29. 01. 2006 - 17. 02. 2007)

მთელი წლის განმავლობაში ცხოვრება მშვიდი და დინჯი რომ გქონდეთ, აკურატული და დაკვირვებული უნდა იყოთ. არც აჩქარება გმართებთ. ზოგ შემთხვევაში სასარგებლოც კია ცივსისხლიანობა. წარმატება თქვენს მხარესაა და გააქტიურდით. მოერიდეთ სტრესულ სიტუაციებს, დეპრესიულობას. ნუ მიირთმევთ ალკოჰოლურ სასმელებს. გააუმჯობესეთ დამოკიდებულება ნათესავებთან. განსაკუთრებით, ვისთანაც ნაჩხუბარი ხართ.

მოსალოდნელია ფულის ხარჯვა ოჯახის, ნათესავებისა და შვილების გამო. ძვირად ღირებული საყიდლები მოსალოდნელია გაზაფხულსა და ზაფხულში. შეიძინეთ მხოლოდ აუცილებლი ნივთები, მაგრამ საკუთარ თავს ნუ დასჯით, თუ რამე "შემოგეყიდებათ".

კარიერული წინსვლა გელით. შეძლებთ დიდი ხნის ჩაფიქრებული იდეების განხორციელებას; დაწყებული პროექტების დასრულებას. რა საქმესაც არ უნდა აკეთებდეთ, კარგად გაერკვიეთ დეტალებში. იკონტაქტეთ საჭირო ადამინებთან და მოლაპარაკებები დიპლომატიურად გამართეთ.

ვირთხის წელიწადში დროც გექნებათ და სურვილიც, რომ მოიწესრიგოთ პირადი ცხოვრება. მოეშვით იმ ადამიანზე ფიქრს, ვისაც დიდი ხნის წინ დაშორდით და ვის გამოც ახალ რომანტიკულ კავშირს ვერ ამყარებთ. სიმპათიურ და საინტერესო ადამიანს ხელს ნუ ჰკრავთ. ნუ გგონიათ, რომ ყველა მატყუარაა. ყველაფერი დამოკიდებულია, პიროვნებაზე და თქვენს მისდამი დამოკიდებულებაზე.

  • 2020 წლის პროგნოზი წყლის ძაღლისთვის (დაბადების თარიღები - 25. 01. 1982 - 12. 02. 1983)

რაღაც უნდა შეცვალოთ თქვენს ცხოვრებაში. ზედმეტი სიჯიუტე და ხისტობა სიკეთეს არ მოგიტანთ. მეტად უნდა შეძლოთ სიტუაცია ლავირება. იყავით მეტად თავშეკავებული. კონკრეტულ სიტუაციებში ცეცხლზე ნავთის დასხმას არ გირჩევთ.

სამსახურებრივი ვალდებულებები თქვენგან მეტ ძალისხმევას მოითხოვს. უნდა დაასრულოთ წარსულში დაწყებული პროექტები. გაზაფხულსა და შემოდგომაზე კი ზოგჯერ დასვენების დღეებიც სამსახურს უნდა დაუთმოთ.

ჯანმრთელობის მხრივ ყურადღება უნდა გაამხვილოთ ცივ სეზონზე. ჩაიტარეთ პროფილაქტიკური კვლევა. დააკვირდით გულის, კუჭისა და თირკმელების მუშაობას. აკონტროლეთ წნევა. უნდა იცოდეთ, რომ ჯანმრთელობის მდგომარეობა მეტწილად დამოკიდებულია შინაგან განწყობაზე. ამიტომ, რაც უფრო მეტად იქნებით პოზიტიური და მხნე, მით მეტად დაამარცხებთ დაავადებებს. კარგ შედეგს მოგიტანთ დიეტის დაცვა, ვარჯიში და მედიტაცია. დასვენების დროს უნდა დაისვენოთ და არა გააგრძელოთ მუშაობა.

მართალია, თავზე მილიონი არ დაგეყრებათ, მაგრამ შანსი მოგეცემათ, რომ გაისტუმროთ ვალები და კრედიტები. ხარჯის დიდი ნაწილი მოხმარდება ოჯახსა და ბინაში პირობების გაუმჯობესებას. შემოდგომაზე სარფიან შემოთავაზებას მიიღებთ. კარგი წელი წლით ბიზნესმენებს. ერთადერთი, რაც ცოტა ნერვების მომშლელი იქნება, სანდო კონკურენტების მოზიდვაა. მაქსიმალურად მოთოკეთ ნერვები, რომ ფიზიკურად არ გაუმკლავდეთ მოშურნეებსა და კონკურენტებს.

პირად ცხოვრებაში მოსალოდნელია ემოციების ზღვა, ვნება, თავგადასავალი. მარტოხელებს ელით ახალი ნაცნობობა, რომელიც დღითი დღე უფრო მყარი და სიამედო გახდება. ძაღლი ბუნებით ერთგულია, მაგრამ ნუ იქნებით ერთგული წარსული გრძნობების მიმართ, დაივიწყეთ ისინი და თავს ახალი გრძნობებით ტკბობის საშუალება მიეცით.

  • 2020 წლის პროგნოზი ხის ძაღლისთვის (დაბადების თარიღები - 14. 02. 1934 - 25. 01. 1935; 10. 02. 1994 - 30. 01. 1995)

საინტერესო მოვლენებით აღსავსე წელი გელით. გაკვეთილსაც ბევრს მიიღებთ და გამოცდილებასაც. უნდა ეცადოთ, რომ საკუთარი თავი შეცვალოთ და არა მოვლენები თქვენ გარშემო. მოსალოდნელია კონფლიქტები საყოფაცხოვრებო საკითხების გამო, მატერიალური ხარჯი. მეგობრებისა და ნათესავების დახმარების იმედი უნდა გქონდეთ. პოზიტიურად განეწყვეთ, დაფიქრდით, მარტო არ ხართ, ყველაფერს ეშველება.

იანვარშივე დაიწყეთ იმუნიტეტის გაძლიერებაზე ზრუნვა. რეგულარულად ივარჯიშეთ, ისეირნეთ სუფთა ჰაერზე, შეძლებისადაგვარად გადით და დაისვენეთ ბუნებაში, დილაობით ფიზიკურად გააქტიურდით. კარგ შედეგს მოგიტანთ ცურვა, მზის აბაზანები, სხეულის გაკაჟება.

მარტოხელები თავის სიყვარულს მოგზაურობის, მივლინების დროს შეხვდებიან. თქვენ გელით ისეთი ადამიანის გაცნობა, რომელსაც გულითა და სულით შეიყვარებთ. დაქორწინებულმა ნიშნებმა ნაკლები ეგოიზმი და ეჭვიანობა უნდა გამოიჩინოთ, თუ ქორწინების გადარჩენა გსურთ.

საქმეების სიუხვის მიუხედავად დასვენებას ნუ დაივიწყებთ. თუ პროექტების დასრულებამდე დრო კიდევ გაქვთ, მშვიდად იმუშავეთ. ზოგიერთს დამატებითი შემოსავლის წყარო გამოგიჩნდებათ. ბიზნეს პარტნიორად მხოლოდ ერთგული და გამოცდილი ადამიანი აირჩიეთ. ზოგიერთს ძველი პრობლემების მოგვარების ახალ, ორიგინალურ ხერხს შესთავაზებენ, უარი არ თქვათ.

  • 2020 წლის პროგნოზი მიწის ძაღლისთვის (დაბადების თარიღები - 17. 02. 1958 - 8. 02. 1959; 16. 02. 2018 - 4. 02. 2019)

საკუთარ თავსა და ჯანმრთელობაზე წინ არავინ და არაფერი არ უნდა დააყენოთ და მასზე დღე და ღამე იზრუნოთ. გაუფრთხილდით ნერვულ სისტემას. გაიძლიერეთ იმუნიტეტი; გამონახეთ დრო დასვენებისა და რელაქსაციისთვის. ზოგიერთი გამაახალგაზრდავებელი და გასალმაზებელი პროცედურების ჩატარებას განიზრახავს.

ახალ პროექტებში ჩართვას შემოგთავაზებენ. აწონეთ, რამდენი დრო და ენერგია უნდა ჩადოთ მასში და რა შედეგს მიიღებთ, თუნდაც მატერიალური თვალსაზრისით. კარგი წელი ელით შემოქმედებით ნიშნებს. გამოჩნდებიან თქვენი ნიჭის დამფასებლები. პოპულარობა და აღიარება გელით.

მეტი დრო დაუთმეთ საცხოვრებელი პირობების გაუმჯობესებას. ზოგიერთი სარფიანად შეძლებს ბინის გაყიდვას, ახალ ბინაში გადასვლას ან რემონტის გაკეთებას. ზაფხულში მოსალოდნელია ინტერიერის განახლება, ახალი ავეჯის შეძენა.

მარტოობა მობეზრებული მარტოხელა ძაღლები დაწყვილებას გადაწყვეტენ. გირჩევთ, კარგად შეაფასოთ ადამიანი და პირველივე გაცნობილს დაქორწინება არ შესთავაზოთ. მეტად დააკვირდით მის შინაგან ბუნებას, განვითარების დონეს, ინტელექტს. დაქორწინებულებმა გააუმჯობესთ დამოკიდებულება მეუღლესთან და ნათესავებთან. ეცადეთ, ზოგიერთ მოვლენას მეტად ლაითად შეხედოთ და ყველაფერზე გული არ გაიგლიჯოთ ნერვიულობით.

  • 2020 წლის პროგნოზი მეტალის ძაღლისთვის (დაბადების თარიღები - 6. 02. 1970 - 26. 01. 1971)

დროულად უნდა მოაგვაროთ სირთულეები და არ ჩავარდეთ პანიკაში დროზე ადრე. ნუ შეუშინდებით დაბრკოლებებს, გამოცდილებას დააგროვებთ და გამძლეც გახდებით. ნუ იტყვით უარს ახალ შემოთავაზებაზე. გამოცდილებას მუშაობის დრო დააგროვებთ. მთავარია, მოწადინებული იყოთ. გამოგიჩნდებათ შემოსავლის დამატებითი წყარო, თუ მოინდომებთ, რა თქმა უნდა. დააბანდეთ თავისუფალი ფული უძრავ ქონებაში. კარგი წელი ელით ბიზნესმენებს, სარფიან ხელშეკრულებებსაც გააფორმებთ (უცხოურ ფირმებთან) და კარგ პროცნეტებსაც მიიღებთ.

აპათია და დაღლილობა მოსალოდნელია წლის პირველ დეკადაში. გამონახეთ დრო დასვენებისთვის, ჯანმრთელობის გაუმჯობესებისთვის. სიფრთხილე გმართებთ მგზავრობისას, განსაკუთრებით, თუ საჭესთან თავად ზიხართ.

ეცადეთ, პირადი ცხოვრების შესახებ არავის მოუყვეთ. თუ დიდი ხანია ხვდებით ადამიანს, რომელიც ნამდვილად მოგწონთ, ნუ გადადებთ დაქორწინებას, შვილის გაჩენას. დაქორწინებულებმა მეტი დრო დაუთმეთ შვილების აღზრდას, დააკვირდით მათ სწავლა-განათლების საკითხს. თუმცა, ნუ შეუზღუდავთ თავისუფლებას და მეტად მიაჩვიეთ დამოუკიდებლობას.

  • 2020 წლის ზოგადი სასიყვარულო პროგნოზი ძაღლისთვის

თუ პარტნიორის ერთგული იქნებით, უსიამოვნებების ნახევარი თავისით აღმოიფხვრება. ეცადეთ, საყვარელ ადამიანს თქვენს მიმართ ჰქონდეს ნდობა და სინაზის გამოვლენაშიც დაეხმარეთ. მარტოხელები აუცილებლად შეხვდებიან იმ ადამიანს, ვინც გულს გაუთბობს მათ. 2020 წელს უნდა გამონახოთ ჰობი, ახალი გასართობი. მეუღლესთან ერთად გაემგზავრეთ სამოგზაუროდ და დასასვენებლად. ასეთ დროს, მრავალი წლის დაქორწინებულები რომც იყოთ, ერთმანეთს თავიდან "აღმოაჩენთ".

  • 2020 წლის ზოგადი ფინანსური პროგნოზი ძაღლისთვის

ადამიანი ისე მოწყობილი, რომ რაც უფრო მეტი ფული აქვს, მით მეტი უნდა. თქვენ გამონაკლისი იქნებით, დასჯერდებით იმას, რასაც გამოიმუშავებთ. მაგრამ უნდა გახსოვდეთ, რომ ნათესავები და სახლის მოწყობა გარკვეულ თანხას საჭიროებს. თუ მოგინდებათ, მეგობრების დახმარებით დამატებით სამუშაოს შეასრულებთ და დამატებითი შემოსავალიც გაგიჩნდებათ. ეცადეთ, არავის ასესხოთ ფული, განსაკუთრებით მეგობრებს. და რაც მთავარია, გადადეთ ფული საზაფხულო შვებულებისთვის.

  • 2020 წლის ზოგადი კარიერული პროგნოზი ძაღლისთვის

მუშაობა გიყვართ და დაწინაურებაც უნდა გინდოდეთ. მეტად გამოავლინეთ თქვენი ნიჭი. ზოგიერთს მნიშვნელოვანი ცვლილება ელის კარიერაში. გაიარეთ კვალიფიკაციის ასამაღლებელი კურსები, დაესწარით თქვენთვის საინტერესო ლექციებს. 2020 წელს გაიცნობთ და დაუმეგობრდებით გავლენიან ადამიანებს. წარმატებული წელი ელით კომერსანტებს, იურისტებს, პედაგოგებს, შემოქმედებით ადამიანებს და აგრეთვე შოუ-ბიზნესისი წარმომადგენლებს.

  • 2020 წლის ზოგადი ჯანმრთელობის პროგნოზი ძაღლისთვის

ხალხური მეთოდები და სპორტი საუკეთესო დაცვაა ჯანმრთელობისთვის. ეცადეთ, დასვენება და მუშაობა დააბალანსოთ. ფიზიკურ გადატვირთვას მოერიდეთ და მეტი დრო დაუთმეთ ინტელექტუალურ შრომას. ზოგჯერ ძილი - საუკეთესო წამალია. განსაკუთრებით როცა გაღიზიანებული ხართ ან სისუსტეს, ან დეპრესიის შემოტევას გრძნობთ. ზაფხულში გირჩევთ, მეტი იმოგზაუროთ, გაირუჯოთ, იცურაოთ.

  • რა გელით ძაღლებს 2020 წელს თვეების მიხედვით

იანვარი - სტაბილური თვეა, დრო ყველაფერზე უნდა გადაანაწილოთ.

თებერვალი - მიიღეთ სწორი გადაწყვეტილებები. იმას მიიზიდავთ, რაც გსურთ.

მარტი - აკონტროლეთ ხარჯი. იყავით მზად ახალი, არასტანდარტული იდეების განხორციელებისთვის.

აპრილი - ჯანმრთელობა ერთადერთია, რაზეც უნდა იზრუნოთ.

მაისი - სამსახურში უსიამოვნებებს გავლენიანი მეგობრების დახმარებით მოაგვარებთ.

ივნისი - დაფიქრდით, რა გჭირდებათ ბედნიერებისთვის. შეცვალეთ ტაქტიკა.

ივლისი - ახალი ბიზნესის დაწყების და რომანტიკული თავგადასავლების თვეა.

აგვისტო - აკონტროლეთ ემოციები. საკუთარ თავს დეპრესიამდე ნუ მიიყვანთ.

სექტემბერი - იყავით მიზანმიმართული და ყველაზე რთული საქმიდანაც კი გამარჯვებული გამოხვალთ.

ოქტომბერი - კარგი თვეა მათთვის, ვინც ფინანსურ და კარიერულ საქმეებში გამარჯვების მიღწევა გადაწყვიტა.

ნოემბერი - წარმატებული თვეა დაგიდგათ, მაგრამ გაფრთხილდით, კონკურენტები მოძლიერდნენ.

დეკემბერი - გამონახეთ დრო თავგადასავლებისა და მოგზაურობისთვის.

როგორი იქნება 2020 მამლის წელში დაბადებულებისთვის - აღმოსავლური პროგნოზი სტიქიების მიხედვით

როგორი იქნება 2020  თხის წელიწადში დაბდებულებისთვის - აღმოსავლური პროგნოზი სტიქიების მიხედვით

როგორი იქნება 2020 გველის წელიწადში დაბადებულთათვის - აღმოსავლური პროგნოზი სტიქიების მიხედვი