"შესაძლოა სწორედ ახლა მოისმინოთ პარტნიორისაგან თქვენთვის ყველაზე სასურველი სიტყვები" - რას წერს ასტროლოგი ვენერასა და მზის შეერთებაზე

"მოვლენები, რომლებიც გუშინ, დღეს და ხვალ განვითარდება, გვაიძულებს გადავაფასოთ რაღაცები, მათ შორის ურთიერთობები", - წერს ასტროლოგი ხათუნა ნოელი ვენერასა და მზის შეერთების შესახებ.

"ვენერასა და მზის ზუსტი შეერთება, რომელსაც დღეს აქვს ცაზე ადგილი. მაჩვენებელია იმისა, რომ ჩვენი ფასეულობის სისტემა განიცდის გამოცდას მდგრადობაზე.

მოვლენები, რომლებიც გუშინ, დღეს და ხვალ განვითარდება, გვაიძულებს გადავაფასოთ რაღაცები, მათ შორის ურთიერთობები.

მეორეხარისხოვანი კავშირები ამ პერიოდში დაიშლებიან, მნიშვნელოვანნი კი განვითარების ახალ ეტაპზე გადავლენ.

შესაძლოა სწორედ ამ პერიოდში თქვენი პარტნიორისაგან თქვენთვის ყველაზე სასურველი სიტყვები მოისმინოთ.

ეს დღეები ძალიან კარგია საქმიანი მოლაპარაკებებისთვის, ვინაიდან ახლა ადამიანები ბევრად უფრო კომპრომისულები იქნებიან, ვიდრე სხვა დროს, თანამშრომლობის სურვილი უფრო მაღალია.

პრობლემური ეს დღეები შეიძლება აღმოჩნდეს გახდომის მსურველთათვის, რადგან სიამოვნების მიღების მოთხოვნილებაც მატულობს და თუ თქვენ ამ სიამოვნებას სასუსნავებში ეძებთ...", - წერს ხათუნა ნოელი.