მოღალატე ქმრების სამეული ზოდიაქოს ნიშნის მიხედვით - არის თუ არა თქვენი მეუღლე სიაში

ალბათ არაერთი სტატია დაწერილა იმის შესახებ, თუ კონკრეტულად რომელი ნიშნით დაბადებული მამრები არიან ყველაზე მეტად მიდრეკილნი პოლიგამიურობისკენ. ასტროლოგებიც ხშირად დავობენ ამ საკითხზე და საბოლოოდ ყველა იმ აზრზე ჯერდება, რომ ყველაფერი მაინც ინდივიდის პირად ასტროლოგიურ რუკაზეა დამოკიდებული. თუმცა, ზოგადი სტატისტიკაც არსებობს და მას ვერსად გავექცევით.

მაინც რომელი ზოდიაქოს ნიშნით დაბადებულ მამაკაცებს გააჩნიათ ყველაზე მეტად მიდრეკილება ღალატისკენ?

რა თქმა უნდა, სიის სათავეში მშვილდოსანი ხვდება . თუმცა მის შემთხვევაში ფიზიკური ღალატის მოთხოვნილებაზე მეტად მობეზრების ფაქტორი თამაშობს გადამწყვეტ როლს. მშვილდოსნები ბუნებით იდეალისტები არიან. შესაბამისად ქალი, რომელიც მის იდეალს ვერ შეესაბამება (საწყის ეტაპზე მას ყველა მორიგი რომანი ბოლო და უკანასკნელი ჰგონია!) მალე ხდება მისთვის დამღლელი და მოსაწყენი პარტნიორი. რაც შესაბამისად განაპირობებს კიდეც იმას, რომ იგი გვერდზე დაიწყებს თვალის გაპარებას.

არანაკლებ მიდრეკილია ღალატისკენ მერწყულის ზოდიაქოს ნიშნით დაბადებული მამაკაცი . თუმცა მასთან ღალატის ფაქტს ინტერესის მომენტი განაპირობებს. მერწყული მამაკაცი ხშირად ცოლს (ან პარტნიორს) მენტალური კონტაქტის ნაკლებობის ან მისი სრული არარსებობის შემთხვევაში ღალატობს. იმიტომ რომ, ინტელექტუალური სიახლოვე, მისთვის სექსზე უფრო მნიშვნელოვანიც კია ურთიერთობისას.

დაბოლოს, სიის მესამე საპატიო ადგილს თევზები იკავებენ. როგორც აღმოჩნდა, თევზი მამაკაცის ღალატის ფესვები მის ხათრიან და რბილ ბუნებაში ყოფილა საძებარი. ასტროლოგების აზრით, ზოდიაქოს ამ ნიშნით დაბადებული მამაკაცი პარტნიორს ძირითადად იმ შემთხვევაში ღალატობს, თუ მას ვინმე ძალზე პრინციპული და აქტიური ქალბატონი გადაეკიდა. შესაბამისად, თუ გსურთ, რომ თქვენმა პარტნიორმა თევზმა არასოდეს გიღალატოთ, კარგად უნდა "დაიცვათ" იგი აბეზარი თაყვანისმცემლებისგან!