როგორ უნდა მოვიზიდოთ წარმატება, მეტი ფული, იღბალი და სიყვარული ნუმეროლოგიური ცოდნის გამოყენებით?

როგორ უნდა მოვიზიდოთ წარმატება, მეტი ფული, იღბალი და სიყვარული ნუმეროლოგიური ცოდნის გამოყენებით?

ალბათ გაგიგონიათ ფრაზა - "აზროვნების ძალა", რომელსაც ფსიქოლოგიასა და ეზოთერიკაში ჩახედული ადამიანები აქტიურად იყენებენ პრაქტიკაში. ვიზუალიზაცია თავისებური აუტოტრენინგია ჩვენი გონებისთვის. იმიტომ რომ რეალურად ჩვენს ცხოვრებაში ის მოვლენები ხდება, რომელსაც ჩვენი ტვინი ქვეცნობიერს გადასცემს და რეალურად წარმოისახავს.

როგორც ეზოთერიკოსები და ნუმეროლოგები ამტკიცებენ, სურვილების ასრულებაში ხელს რიცხვების მაგიური ზემოქმედებაც უწყობს ადამიანს. საამისოდ კი მარტივი წესების დაცვაა საჭირო, რაზეც სტატიაში ვისაუბრებთ.

რიცხვი 20 ნებისმიერი შეფერხებისას - მაგალითად, თუკი თქვენ გადატვირთულ საცობში მოხვდით ან რაიმე მიზეზით აგვიანებთ დანიშნულების ადგილზე მისვლას, აუცილებლად გამოიყენეთ რიცხვი 20-ის ენერგეტიკა. ორიანს შეუძლია გააძლიეროს თქვენი მიზნისკენ სწრაფვა და მონდომება, ხოლო ნული გზიდან ჩამოგაშორებთ გაუთვალისწინებელ შეფერხებებს. ამიტომ, თუ თქვენ ხშირად გაიმეორებთ გუნებაში ამ ციფრს, წარმოსახვით დახატავთ მას ან შეეცდებით თქვენ გარშემო იპოვნოთ იგი (მაგ. სანამ საცობში დგახართ) მიზნისკენ სავალი გზა აუცილებლად თქვენს სასარგებლოდ გამოთავისუფლდება.

რაიმეს დაშლა/დანგრევა გსურთ? გამოიყენეთ 44-ს მაგიური ძალა - იმ შემთხვევაში თუ თქვენ წინაშე რაიმეს დაშლის, დანგრევის, დანაწილების, გაფანტვის მცდელობა დგას (მაგ. უსიამოვნო ჭორებით წუხდებით), ჩართეთ რიცხვი 44 და მისი უძლიერესი ენერგეტიკა. ამ ციფრს ნუმეროლოგები თავისი ბუნებით, ელვას ამსგავსებენ. ამაოდ არ სცემდნენ მას პატივს თავის დროზე ნაცისტები. ეს ხომ ორი ერთმანეთზე დადებული კვადრატია, რომელსაც გააჩნია უნარი ნებისმიერი გაურკვევლობა, წინააღმდეგობა და სიბნელე გაარღვიოს, გაფანტოს. ამასთან ერთად, თუკი ამ ორი ციფრის ჯამს გავითვალისწინებთ ანუ რვიანს, იგი მარადისობის სიმბოლოა. შესაბამისად, 44 გამოყენებისას დიდი სიფრთხილე გვმართებს, იმ მხრივ, რომ უწყინარი თავდაცვა ნგრევის ჯაჭვში არ გადაგვეზარდოს.

გამრავლება/გაბევრებისთვის კი 40-ის ენერგეტიკა დაგეხმარებათ - ხოლო იმ შემთხვევაში თუ თქვენ პირიქით, რაიმეს გამრავლება, გაბევრება, აღდგენა ან გამთელება გესაჭიროებათ, საქმეში რიცხვი 40 და მისი ენერგეტიკა ჩართეთ. ოთხიანის ძლიერ ენერგიას ნულის ანუ წრის ფორმა მისცემს გამთლიანების უნარს.

ცხოვრება რომ უფრო საინტერესო და მოვლენებით სავსე გახდეს 21-ის ენერგეტიკას მიმართეთ - თუკი თვლით, რომ თქვენი ცხოვრება უღიმღამოა, წარუმატებლობას უჩივით ან მოდუნება გიჭირთ, გამოიყენეთ რიცხვი 21 და მისი ენერგეტიკა. ნუმეროლოგები თავად რიცხვ 21-ს წარმატებისა და ბედნიერების მომტან რიცხვებს შორის მოიხსენიებენ.

მატერიალური პრობლემების მოგვარებაში კი 71-ის ენერგია დაგეხმარებათ - მათთვის ვისაც მატერიალური პრობლემები აწუხებს მუდმივად და ფული შარშანდელი თოვლივით მომენტალურად უორთქლდება, რიცხვი 71 იქნება საუკეთესო დამხმარე. თქვენ შეგიძლიათ ამ ციფრის გრაფიკული გამოსახულება საფულითაც ატაროთ, მერწმუნეთ 7-ისა და 1-ის კომბინაცია, რომელიც ჯამში უსასრულობის სიმბოლოს რვიანს უდრის, თქვენი საფულიდან ფულის ქრობის პრეცენდენტს ერთი ორად შეამცირებს. ხოლო მისი შევსებისთვის საჭირო გზების პოვნაში აქტიურად დაგეხმარებათ.

ხოლო ცხოვრებაში რაიმეს კორექტირებისთვის (მათ შორის სხეულის ფორმებიც იგულისხმება) გამოიყენეთ 91 - უნიკალური რჩევა მათთვის, ვისაც რაიმეს კორექცია ესაჭიროება. პირველ რიგში ეს იმ ადამიანებს ეხება, ვინც წონის კორექციის პრობლემებით იტანჯება. გამოიყენეთ კომბინაცია 91, იმიტომ რომ, ცხრიანი ცვლილებებთან ასოცირდება; ერთიანი კი ახალი ცხოვრების დასაწყებად შეგმატებთ ძალას.