დაბადებული 12 დეკემბერს

იგი გარკვეულწილად შემაჯამებელი თვეა, რომელიც საშუალებას გვაძლევს გადავხედოთ მთელი წლის მანძილზე განვითარებულ მოვლენებს და დასკვნები სწორად გამოვიტანოთ, საიმისოდ, რომ მომდევნო წელი გაცილებით უფრო წარმატებული იყოს ჩვენთვის. დეკემბერი ქართული წარმართული კალენდრით — ტირისდენი, ქრისტიანობიდან მომდინარე ხალხური სახელწოდება — ქრისტეშობისთვეა. ასტროლგიურად ეს თვე ორ, რადიკალურად განსხვავებულ ზოდიაქოს ნიშანს – თავქარიან, ოპტიმისტ, მაწანწალა მშვილდოსანსა და ფრთხილ, დაკვირვებულ, კონსერვატორ თხის რქას აერთიანებს. რომელთათვისაც საერთო ხასიათის თვისება, მიზანსწრაფულობა შეიძლება ჩაითვალოს. თუმცა მიზნისკენ სავალი გზები და მეთოდები ორივესთვის სხვადასხვაა.

დაბადებული 12 დეკემბერს

12 დეკემბერს დაბადებული ადამიანები, არაჩვეულებრივად გონიერი და ინტუიციური ხალხია. მათ აქვთ უნარი სხვების ფიქრებს ჩასწვდნენ და ხშირად სრულიად უცნობი ხალხის ნააზრევი გაიზიარონ. ისინი პატარა ასაკიდან საოცარი დაკვირვების უნარით და დეტალური ანალიზის ნიჭით გამოირჩევიან. თუმცა, აუცილებელია, ამ ადამიანებმა დაიცვან სიფრთხილე და ყველას არ გაუზიარონ საკუთარი დაკვირვების შედეგები. წინააღმდეგ შემთხვევაში ცხოვრება მათ ბევრ მტერს და მოშურნეს გადაჰკიდებს.