დაბადებული 2 აგვისტოს

. აგვისტო ზაფხულის ბოლო თვეა და ერთერთია იმ შვიდ თვეს შორის რომელიც 31 რიცხვით გადის. ძველი სლავები ამბობენ: "რასაც აგვისტო ამზადებს, სექტემბერი იმით სუფრას გაშლისო". ამიტომ შემთხვევითი არაა ის ფაქტი, რომ ადამიანების დიდი ნაწილი სწორედ აგვისტოს თვეში აკეთებს განვლილი წლის "აღწერას" და სექტემბერს ახლებური ენერგიით ეგებება. ასტროლოგიურად აგვისტოს თვე, ორ ერთმანეთისგან რადიკალურად განსხვავებულ ზოდიაქოს ნიშანს – ლომს და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა ხშირად, ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არ არის, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს.

დაბადებული 2 აგვისტოს

2 აგვისტოს დაბადებული ადამიანები, მრავალმხრივი ნიჭით დაჯილდოებული და უზომოდ ცნობისმოყვარე ინდივიდები არიან. მათ აქვთ უნარი, ნებისმიერი სახის ცვლილებას შეეგუონ და მაქსიმალურ დროში მოახდინონ ადაპტაცია ახალ გარემოსთან. ბევრი მათგანი ამ უნარს, ხეტიალისა და მოგზაურობის სიყვარულთან აიგივებს და გამუდმებით ცდილობს ახალ-ახალი შეგრძნებების მიღებას სხვადასხვა ქვეყანაში მოგზაურობით.