დაბადებული 5 სექტემბერს

ძველრომაული კალენდრით იგი მეშვიდე თვედ იყო მიჩნეული ნაცვლად მეცხრე თვისა.

ძველი სლავები სექტემბერს "ვერესენს" უწოდებდნენ (პოლონურად Wrzesień), ერთ-ერთი მცენარის სახელწოდებიდან გამომდინარე, რომელიც სწორედ ზაფხულის და შემოდგომის გზასაყარზე ყვაოდა.

ასტროლოგიურად სექტემბრის თვე ორ ზოდიაქოს ნიშანს აერთიანებს – ქალწულსა და სასწორს. ამ ორ – მიწისა და ჰაერის სტიქიის წარმომადგენელს შორის საერთო, დახვეწილი გემოვნება და ესთეტიური ხედვის ნიჭია. თუმცა ქალწულის პრაქტიკულობას ხშირად აკლია სასწორისეული შემოქმედებითი ხედვა, სასწორის მერყევ ბუნებას კი ქალწულისთვის დამახასიათებელი ლოგიკური ანალიზის უნარი. თუ ისე მოხდა, რომ რომელიმე ამ ზოდიაქოს ნიშნის გავლენა მეორეზეც ვრცელდება გარკვეული პლანეტარული განლაგების მიხედვით, ვიღებთ ფრიად შესანიშნავ ასტროლოგიურ "ჰიბრიდს".

დაბადებული 5 სექტემბერს

5 სექტემბერს დაბადებული ადამიანები, მეოცნებეები და შემოქმედებითი ნიჭით დაჯილდოებული ნატურები არიან. მათ ახასიათებთ წარმოსახვით სამყაროში ცხოვრება და ხშირად ცდილობენ რეალობა საკუთარ ფანტაზიას მოარგონ. მაგრამ მიზნები, რომელსაც ისინი ისახავენ ცხოვრებაში, ხშირად ძალზე უტოპიური და არარეალურია. ამიტომ ამ ადამიანებს მოეთხოვებათ უფრო რეალისტური ხედვა გამოიმუშაონ და მეტი პრაქტიკულობით მიუდგნენ ნებისმიერ საკითხს ცხოვრებაში, რათა თავიდან აიცილონ იმედგაცრუება და მარცხი.