დღეიდან მზემ ზოდიაქოს ნიშანი შეიცვალა - ვისთვის იქნება წარმატებული მომდევნო ერთი თვე
ასტროლოგი ხათუნა ნოელი სოციალურ ქსელში მომდევნო თვის ზოგად შეფასებას აქვეყნებს. 22 დეკემბრიდან 20 იანვარის ჩათვლით, მზე თხის რქის ზოდიაქოში იმოძრავებს, როგორი იქნება ეს პერიოდი სხვადსხვა ნიშნისთვის?
"დღეს მარტო მზებუდობის დღე როდია - თხის რქებო, გილოცავთ, თქვენი დრო დგება - მზე თქვენს ნიშანში გადავიდა! წარმატებული პერიოდი ეწყება დანარჩენ მიწის ნიშნებსაც - ქალწულსა და კუროს . შესაძლოა ცოტა გაუჭირდეთ ვერძებსა და სასწორებს ასევე კირჩხიბსაც . თუმცა დანარჩენ წყლის ნიშნებს - მორიელსა და თევზებს პრობლემები ნაკლებად შეექმნებათ.
სავარაუდოდ, მშვილდოსნები ყურადღების ცენტრიდან გამოვლენ და შესაძლოა მოიწყინონ კიდევაც. მერწყულებს კი ცოტა არ იყოს პრობლემური ზონა ეწყებათ საკუთარ დაბადების დღემდე. რაც შეეხებათ ტყუპებსა და ლომებს , მათთვის ეს თვე ყველაზე ნეიტრალური იქნება.
ის, რაც თხის რქის პერიოდში ყველას ერთნაირად შეეხება - გაზრდილი პასუხისმგებლობები და თვითკონტროლის აუცილებლობაა. თუ გავითვალისწინებთ რამდენი დღესასწაულია წინ და, შესაბამისად, რამდენი ლიტრის შესმა მოუწევთ მამაკაცებს (და ზოგჯერ ქალბატონებსაც) თვითკონტროლი მართლაც არ იქნებოდა ურიგო. წარმატებასა და ხალისიან თხის რქის დღეებს გისურვებთ".
გლობალური ცვლილებები გელით - იანვრის თვის ასტროლოგიური პროგნოზი სასწორებისთვის
იანვრის ასტროლოგიური პროგნოზი მორიელებისთვის - "გრძნობები მოულოდნელად, ვულკანივით ამოიფრქვევა"
