რა ელით აპრილში მერწყულებს - მომდევნო თვის ასტროლოგიური პროგნოზი

ყურადღება უნდა გამოიჩინოთ არა მარტო სამსახურის საქმეების, არამედ სასიყვარულო ურთიერთობების მიმართაც. მცირე შეცდომებმაც კი შეიძლება დიდი პრობლემები შეგიქმნათ. მოერიდეთ ადამაინებს, ვისგანაც ნეგატივს გრძნობთ. აგრეთვე, გახსოვდეთ, რომ რჩევა ყოველთვის სარგებლის მომტანი არაა. არ გადადოთ მომავლისთვის ის, რისი გაკეთებაც დღეს შეგიძლიათ. მაქსიმალურად უნდა დაძლიოთ სიზარმაცე.

თვის დასაწყისში სამსახურშიც საჭირო იქნებით, მეგობრებისთვისაც და საყვარელი ადამიანისთვისაც. კოლეგებს გაუზიარეთ თქვენი მუშაობის მეთოდები, საიდუმლოებები. დრო და საშუალება მოგეცემათ შემოქმედებითი იდეები განახორციელოთ.

ნუ გაართულებთ დამოკიდებულებას ნათესავებთან. ნუ იქნებით უხეში და ამბიციური - გარშემო მყოფებისადმი.

• სიყ­ვა­რუ­ლი და ოჯა­ხი

სამსახურის საქმეების გამო საყვარელი ადამიანი მივიწყებული გყავდათ და ახლა გაქვთ საშუალება გააუმჯობესოთ დამოკიდებულება. ნუ იქნებით ძუნწი სიყვარულისა და ემოციის გამოხატვაში. კარგ შედეგს მოგიტანთ საოჯახო საქმეების შესრულება. სიფრთხილე გმართეთ გამონათქვამებისას, ეცადეთ, გული არ ატკინოთ ახლობლებს. ფინანსური საკითხები მეუღლესთან ერთად მოაგვარეთ, მოერიდეთ ფულის ხარჯვას არასაჭირო ნივთებზე.

• სამსახური და ფინანსები

თვის დასაწყისში უამრავი თავისუფალი დრო გექნებათ, მაგრამ ნუ მოდუნდებით, უმჯობესია, ეს დრო ისეთი საქმეების მოგვარებას დაუთმოთ, რომელიც ონლაინაც მოგვარდება. კარგი პერიოდია ინტელექტუალური საქმიანობისთვის. წამოჭრილი საქმეები დაუყოვნებლივ მოაგვარეთ. გააუმჯობესეთ დამოკიდებულება უცხოელ პარტნიორებთან, მათ მიმართ ლმობიერი და მეგობრული უნდა იყოთ. არ მიატოვოთ ის საქმე, რომელიც ერთად დაიწყეთ. სიფრთხილით გააფორმეთ დოკუმენტები. სპეციალისტების რჩევებს ნუ უგულებელყოფთ.

კარგად გადახედეთ მიღებულ ინფორმაციებს, რათა საქმეებში და საბუთებში არ გაიპაროს შეცდომა. მოერიდეთ ფინანსებთან დაკავშირებულ ავანტიურას. განსაკუთრებით “კარგ“ მეგობრებთან. როგორც ამბობენ, ერთ-ორი ასეთი მეგობარი და მტრები აღარც დაგჭირდებათ.

• ჯანმრთელობა

იმისათვის, რომ აპრილი უპრობლემოდ განვლოთ, გაიხსენეთ „სხეულისა და გონების ჰიგიენა“. არ მოგეჩვენათ, ჯანსაღი ფიზიკური და სულიერი მდგომარეობა ყველა სიტუაციასთან გამკლავებისთვის გჭირდებათ. ნებისმიერი უსიამოვნო სიმპტომის შემთხვევისას, გამოიძახეთ "სასწრაფო". მოერიდეთ ვიზიტს კოსმეტოლოგთან და სტომატოლოგთან. იზრუნეთ ფსიქოლოგიურ ჯანმრთელობაზე, რათა დეპრესიაში არ ჩავარდეთ.

­ მარტის თვის იღ­ბლი­ა­ნი რი­ცხვე­ბი: 8, 11, 18, 28

­ მარტის თვის უიღ­ბლო რი­ცხვე­ბი: 6, 10, 24