როგორი იქნება ახალი წლის პირველი თვე თევზებისთვის - იანვრის ასტროლოგიური პროგნოზი

თვის დასაწყისი მეგობრებთან ერთად გართობას, თანამოაზრეებთან ახალი იდეების განხილვას დაუთმეთ. გახშირდება შეხვედრები, მიმოსვლები. თავს მეტად მშვიდად და აქტიურად იგრძნობთ. თუ სურვილი გექნებათ, შეგეძლებათ ახალი სოციალური ჯგუფი შექმნათ, სადაც თქვენი ინტერესების ადამიანებს გააწევრიანებთ. მოიკითხეთ დიდი ხნის უნახავი მეგობრები. ზოგიერთი კი ახალ მეგობარს გაიჩენს. ასაკით უფროს თევზებს მეტი დროის გატარება მოუნდებათ შვილებთან და შვილიშვილებთან ერთად. გაასეირნეთ ისინი სკვერში, ასწავლეთ ის თამაშები, რაც თქვენ ბავშვობაში გიყვარდათ; ყველაფერს უნდა ჰქონდეს მხიარულების ელფერი, სწავლაც კი თამაშ-თამაშში წარმართეთ. იანვრის ბოლოსკენ მეტად მოგინდებათ დასვენება, საკუთარ თავში, სურვილებში გარკვევა. გადახედეთ შესრულებულ საქმეებს და დაისახეთ ახალი მიზნები.

• სწავლა, ბიზნესი, კონტაქტები

მეტად უნდა იყოთ მობილიზებული საქმეებზე, დაკვირვებული - დეტალებზე. ნუ გასცემთ საკუთარ საიდუმლოებებს. ხანდახან კი საკუთარ მოსაზრების გამოთქმისგანაც კი უნდა შეიკავოთ თავი. ნუ გაგიკვირდებათ, თუ მომრავლდებიან მოშურნეები; ახლა ძალიან მგრძნობიარე ხართ და შეიძლება ახალობლების ნათქვამმაც კი გატკინოთ გული. განახორციელეთ შემოქმედებითი იდეები. ზოგმა შეიძლება საკუთარი თავი მწერლობაში მოსინჯოს და ეს შეიძლება იყოს ფანტასტიკის ჟანრი ან ზღაპრების წერა მოინდომოთ ზოგი კი გადაწყვეტს, ვირტუალურ ლექციებსა და მასტერ-კლასებს დაესწროს.

• ფული და სიყვარული

დასვენების დღეების მიუხედავად შეიძლება მუშაობამ მაინც მოგიწიოთ, განსაკუთრებით, თუ სამუშაოს ფული მოაქვს. იანვრის შუა კვირიდან კი მოიმატებს გართობისა და მხიარულების სურვილი. მოიმატებს მეგობრული შეკრებების ალბათობა კოლეგებთანაც კი. თვის ბოლოსკენ მარტოხელებს რომანტიკული ნაცნობობის შანსი გეძლევათ. ამავე პერიოდში შეძლებათ ჩაერთო თქვენთვის საინტერესო საქმიანობაში. მიიღებთ მნიშვნელოვან ინფორმაციებს, რასაც თქვენი მიზნებისთვის გამოიყენებთ. გირჩევთ, მეტად ენდოთ ინტუიციას და ნუ ენდობით ახალგაცნობილებს. დაწყვილებულებმა გამოავლინეთ მეტი მზრუნველობა და სინაზე საყვარელი ადამიანის მიმართ. თუ წასვლას ვერსად ახერხებთ, ჯადოსნური გარემო შეგიძლიათ შინაც კი მოიწყოთ.

• ჯანმრთელობა

მოერიდეთ დაუფიქრებელი ნაბიჯების გადადგმას. განსაკუთრებით, თუ ფულთანაა კავშირში. არაა ყოველთვის საჭირო ის თქვათ, რასაც ფიქრობთ. თუ ხვდებით, რომ დეპრესიულმა ფონმა შემოგიტიათ, ხშირად გაისეირნეთ ბუნებაში. მეტი ყურადღება მიაქციეთ კბილებსა და ღრძილებს. მოსაფრთხილებელია ფარისებრი ჯირკვალიც. გაიძლიერეთ ჯანმრთელობა და ეცადეთ, გათავისუფლდეთ მავნე ჩვევებისგან.