როგორი იქნება 2021 წლის პირველი თვე ლომებისთვის - იანვრის ასტროლოგიური პროგნოზი

იანვრის დასაწყისში, დასვენები დღეების მიუხედავად, მეტი დრო უნდა დაუთმოთ სამსახურის საქმეებს, ყოველდღიური ვალდებულებების შესრულებას. გააუმჯობესეთ დამოკიდებულება კოლეგებთან. გამონახეთ დრო ჯანმრთელობაზე ზრუნვაზე. მინუსი ისაა, რომ დღესასწაულის მიუხედავად სამსახურის საქმეების შესრულება მაინც მოგიწევთ. განსაკუთრებით მგრძნობიარე გახდებით საქმიანი პარტნიორების, უფროსის კრიტიკის მიმართ.

• სწავლა, ბიზნესი, კონტაქტები

ყურადღებით უნდა იყოთ სამსახურის საქმეებისადმი. პასუხისმგებლობა გამოავლინეთ იმის მიმართ, რასაც აკეთებთ. პარტნიორები საკუთარ სიმართლეში დიპლომატიურად დაარწმუნეთ და მოერიდეთ მათთან ურთიერთობის დაძაბვას. ზოგიერთს კოლეგების დაცვაც კი მოგიწევთ. იყავით დაკვირვებული, თუ თქვენი საქმიანობა სწავლასთანაა დაკავშირებული.

• ფული და სიყვარული

სიყვარულის, შემოქმედებითი იდეების განხორციელების განწყობაზე დადგებით. გამონახეთ დრო ბავშვებთან ურთიერთობისთვის. საყვარელი ადამიანი ხშირად გაანებივრეთ რომანტიკით. ზოგიერთმა შეიძლება რომანი გააბათ ან კოლეგასთან, ან საქმიან პარტნიორთან. თუ ლომი მამაკაცი ხართ, შეიძლება კოლექტივში ქალი თანამშრომელი შემოგემატოთ.

• ჯანმრთელობა

მეტად აქტიური იქნებით სამსახურის საქმეების მოგვარებაში, გაგიჩნდებათ დაწინაურების სურვილი. ან შეიძლება სამსახურის საქმეების მოგვარებამ ბევრი ენერგია წაგართვათ. თვის ბოლოსკენ მეტად მოუფრთხილდით მუხლებს, ხერხემალს, სახსრებს, აკონტროლეთ წნევა. გაიარეთ ექიმის კონსულტაცია, რომ არ გაგიმწვავდეთ ქრონიკული დაავადებები. გირჩევთ, სწორად იკვებოთ, დაიცვათ ცხოვრების ჯანსაღი წესი, ზომიერად ივარჯიშოთ.