ლუგანსკში, ტერორისტების მიერ თვითმფრინავის ჩამოგდების შედეგად, ბორტზე მყოფი 49-ვე ადამიანი დაიღუპა. ამის შესახებ ანტიტერორისტული ოპერაციის პრესპიკერმა ვლადისლავ სილიზნიოვმა განაცხადა.
ტერორისტებმა უკრაინის შეიარაღებული ძალების თვითმფრინავი Ил-76 გამთენიისას ჩამოაგდეს. ბორტზე ეკიპაჟის 9 წევრი და დნეპროპეტროვსკის საჰაერო-სადესანტო ბრიგადის 40 სამხედრო იმყოფებოდა.
სამხედროების დაღუპვის ფაქტს ადასტურებს უკრაინის თავდაცვის სამინისტრო, თუმცა უწყება დაღუპულთა რაოდენობას არ აკონკრეტებს.