დარიალის ხეობაში კიდევ ერთი ცხედარი იპოვეს

დარიალის ხეობაში გუშინ დილით კიდევ ერთი ცხედარი იპოვეს. როგორც "ინტერპრესნიუსს" შინაგან საქმეთა სამინისტროში განუცხადეს , ცხედრის იდენტიფიცირება, მისი მდგომარეობიდან გამომდინარე, ჯერჯერობით ვერ მოხერხდა.

დარიალის ხეობაში ჩამოწოლილი მეწყრის ზონაში აღმოჩენილი გვამი თბილისში, ექსპერტიზაზე გადმოასვენეს.

ხეობაში მეწყერი 17 მაისს ჩამოწვა. სტიქიას რამდენიმე ადამიანი ემსხვერპლა.

"ინტერპრესნიუსი"