სეტყვამ ქარელისა და გორის მუნიციპალიტეტის 11 სოფელი დააზარალა

6 ივლისს მოსულმა ძლიერმა სეტყვამ ქარელისა და გორის მუნიციპალიტეტის 11 სოფელი დააზარალა. ამის შესახებ შიდა ქართლის საინფორმაციო ცენტრს სოფლის მეურნეობის სამინისტროს პრესსამსახურმა აცნობა. სამინისტროს ინფორმაციით, ყველაზე მეტად სტიქია ქარელის რაიონის სოფლებში - ზემო და ქვემო შაქშაქეთი (მოხისის თემი) და ქალაქ გორში იგძნობოდა.

"დაზარალებული სოფლებია: ქარელის მუნიციპალიტეტის სოფლები: ქვემო და ზემო შაქშაქეთი (სეტყვის ეპიტცენტრი სწორედ აქ იყო), ფცა, თამარაშენის ნაწილი. ხოლო გორის მუნიციპალიტეტში - გორი (ეპიტცენტრი იყო სწორედ ქალაქში), სოფლები: ტინისხიდი, ბერბუკი; ხელთუბანის, სვენეთის, კვარხეთის, ზეღდულეთის და გორიჯვრის ნაწილი", - აცნობეს ცენტრს სამინისტროდან.

გამგეობებში შექმნილია სპეციალური კომისია, რომელიც ზარალს დაითვლის.

იხილეთ ვრცლად

შიდა ქართლის საინფორმაციო ცენტრი