უკრაინიდან შეჩერებული ფრენების გამო ქუთაისში 1000-მდე ტურისტი არ ჩამოვიდა

ბოლო თვენახევრის განმავლობაში უკრაინის სამი ქალაქიდან (ხარკოვი, დონეცკი და ლვოვი) საქართველოს მიმართულებით ფრენების შეჩერების გამო, წელს ქუთაისში 1000-მდე ტურისტი არ ჩამოვიდა. უკრაინაში ბოლო დროს განვითარებული მოვლენების გათვალისწინებით, ავიაკომპანიებმა ფრენების განხორციელებაზე უარი განაცხადეს.

აღნიშნული ფაქტი მომგებიანი აღმოჩნდა კიევი-თბილისის რეისის შემსრულებელი კომპანიისთვის. უკრაინულმა კომპანიამ, რომელიც ქართულ ბაზარზე უკონკურენტოდ დარჩა, ფრენის ღირებულება გააძვირა, რაც თავის მხრივ, უარყოფითად აისახა ტურისტების რაოდენობაზე.

ქუთაისის ტურისტულ-საინფორმაციო ცენტრის მონაცემებით, საქართველოში უკრაინელი ტურისტების რაოდენობა ყოველ წელიწადს თითქმის სტაბილური იყო, წელს კი მათი რიცხვი მომხდარის გამო მინიმუმ 1000-ით შემცირდა.

იხილეთ ვრცლად

topnews.com.ge