რას ედავება ქუთაისის ციხეში მყოფი პატიმრის ოჯახი გამოძიებას?
ქუთაისის #2 სასჯელაღსრულების დაწესებულებაში მყოფი პატიმარი გიორგი ანდრიაძე თავს უკანონო პატიმრად თვლის და ყურადღებას ითხოვს. პატიმრის მსგავსად, დახმარებას ითხოვს მისი მეუღლე თამილა გოქაძე. ის მეუღლეს საქმეში სამართალდამცავებისა და პროკურატურის მხრიდან დაშვებულ ხარვეზებზე საუბრობს.
"ჩემს მეუღლეს ბინის ქურდობას ედავებიან. ორთვენახევარია, რაც ციხეშია. 90 კილო შევიდა ციხეში და ამ დროში უკვე 65 კილო არის დარჩენილი. უკანონო პატიმრობას რამდენიმედღიანი შიმშილობით აპროტესტებდა, მაგრამ შიმშილობის გაგრძელება ვერ შეძლო, რადგან თირკმლის თანდაყოლილი პრობლემა აქვს. პოლიციის მესამე განყოფილების უფროსის კაბინეტში ჩემს ქმარს მოპარული ტელეფონი დაუდეს და თავისად გაასაღებინეს. ხოლო ჩემს სახლში გაქურდული ბინიდან წამოღებული 10 ლარიანი ლენტიანი აპარატი მიიტანეს. ყველას ვთხოვ დახმარებას, მოგვაქციონ ყურადღება" - ამბობს თამილა გოქაძე.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
