"მადლობა ინგა გრიგოლიას, რომ პატარკაციშვილის ცირკის კადრი გამოიყვანა და მაგრა გაგვართო" - ნატა მურვანიძე

მსახიობი ნატა მურვანიძე ფეისბუქის საკუთარ გვერდზე ინგა გრიგოლიას გადაცემას ეხმაურება, რომელსაც გადაცემაში შალვა ნათელაშვილი ჰყავდა მიწვეული.

"ნათელშვილი არის ცირკაჩი. მადლობა ინგა გრიგოლიას, რომ პატარკაციშვილის ცირკის კადრი გამოიყვანა და მაგრა გაგვართო. მე მყავდა ძალიან მაგარი პედაგოგი ლენარდ პტი, კლოუნი, რომელიც დავალებას კარგად რომ შევასრულებდით წითელი ცხვირით გვაჯილდოვებდა. ამ ცხვირზე ვოცნებობდით და თავს ვიკლავდით შრომით. მე ყველაზე გვიან დავიმსახურე.  შალვა ნათელაშვილი ხელის ჩამორთმევისთანავე გახდებოდა ნიუ იორკის ლა მამმას დასის წევრი. მე ვარ შალვისტი!", - წერს მსახიობი.