ვიდეოთამაშებზე "გაგიჟებული" შვილები მამამ ნამდვილ ომში წაიყვანა

შვედმა ჟურნალისტმა კარლ-მაგნუს ჰელგეგრენმა გადაწყვიტა, თავის ორი ვაჟისთვის, რომლებიც ომის შესახებ ვიდეოთამაშებით იყვნენ შეპყრობილი, ნამდვილი ომი ეჩვენებინა. მან ისინი სირიასა და ისრაელში წაიყვანა, რათა ომის ნამდვილი რეალობა ეჩვენებინა და მათ გაეგოთ, სინამდვილეში რისთვის არსებობს იარაღი.

"მოგზაურობა" 10 დღე გრძელდებოდა და იქიდან დაბრუნებული ბიჭები სრულიად გარდაისახნენ. წასვლის იდეა კი შარშან სადილობისას გაჩნდა, როცა 11 წლის ლეო და 10 წლის ფრენკი მამას სთხოვეს, რომელიღაც "საომარი თამაშის" დისკი ეყიდა. მამა მეტისმეტად აღელვებული იყო შვილების "გატაცებით" და ჰკითხა მათ, თუ აცნობიერებდნენ, რა არის სინამდვილეში ომი და რა გავლენას ახდენს ის ადამიანებზე. ამის შემდეგ კი შეიმუშავა გეგმა, მათთვის ეს აუცილებელი გაკვეთილი ჩაეტარებინა.

მან ვაჟებთან გარიგება დადო: თუ მას გაჰყვებოდნენ საომარი მოქმედებების ზონაში, სადაც ის ადრე დადიოდა რეპორტაჟების მოსამზადებლად, და გარკვეულ დროს გაატარებდნენ საომარი მოქმედებების მსხვერპლთა შორის, უყიდდა ნებისმიერ ვიდეოთამაშს, რომელსაც კი მოისურვებდნენ.

იხილეთ სრულად