ჰარი პოტერის ფანები უკმაყოფილებას გამოხატავენ, რომ ალბუს დამბლდორი გეი აღმოჩნდა

როდესაც უყურებთ ფილმებს ან კითხულობთ წიგნებს ახალგაზრდა ჯადოქარ ჰარი პოტერზე, ნაკლებ სავარაუდოა იმაზე ჩაფიქრდეთ, რომ მისი მეგობარი, საყვარელი ჰოგვორთსის დირექტორი ალბუს დამბლდორი არაჰეტერონორმატიული ორიენტაციისაა.

ფაქტი მხცოვანი პროფესორის სექსუალობასთან დაკავშირებით არც ისე დიდი ხანია, რაც ცნობილი გახდა და მრავალი მკითხველის უკმაყოფილება გამოიწვია. ზოგიერთმა თაყვანისმცემელმა წიგნის ავტორ ჯოან როულინგს წერილები გაუგზავნა, სადაც წერდნენ, რომ სექსუალური ორიენტაციის ხაზგასმა საჭირო არ იყო და რომ აღარ ჰქონდათ სურვილი, ”ჰარი პოტერის მოყვარულთა კლუბში” დარჩენილიყვნენ.

თავად ბესტსელერის შემქმნელი მცირედითაც არ გაუღიზიანებია ფაქტს და მარტივადაც მონახა პასუხი მისი ნიჭის ყოფილი დამფასებლებისთვის - ურჩია მათ, რომ შეერთებოდნენ პოლიტიკურ აქტივისტ ბრაიან სუტერს. (მან ცოტა ხნის წინ დააფინანსა კამპანია, რომელიც სკოლებში ასწავლის მოსწავლეებს, თუ რამდენად ცუდია, იყო არაჰეტერონორმატიული).

წიგნის მოყვარულებთან საუბარში როულინგმა განაცხადა: ”მე ყოველთვის ვიცოდი, რომ დამბლდორი გეი იყო. რომ მცოდნოდა, როგორ რეაქციას გამოიწვევდა ეს ფაქტი საზოგადოებაში, გაცილებით უფრო ადრე მოვყვებოდი ამის შესახებ”.