3280-ლარიანი "უფროსის მაგიდა", "პირადი" კომპიუტერები და ტელეფონების მოყვარული მაღალჩინოსნები ლანჩხუთში

ლანჩხუთის მუნიციპალიტეტის ბალანსზე რიცხული ქონების ნუსხა 2009-2013 წლის მდგომარეობით საკმაოდ ვრცელია. "გურია ნიუსმა" აღნიშნული ქონების შეძენისას გაფორმებული ხელშეკრულებები, ანგარიშფაქტურები და მიღება-ჩაბარების აქტები გამოითხოვა.

გამოცემისთვის ცხრილის სახით მოწოდებული დოკუმენტაციის თანახმად, ირკვევა, რომ ლანჩხუთის  წინა მოწვევის საკრებულოს თავმჯდომარეს (რეზო ჩიტიძეს) 1640-ლარიანი სამეული შეუძინეს, 2011 წელს - 1000-ლარიანი საოფისე კარადა, 555-ლარიანი "ნოკიას" ფირმის მობილური, 268 ლარის ღირებულების მობილური ტელეფონი "სამსუნგი", 1150-ლარიანი პერსონალური კომპიუტერი, 440-ლარიანი სავარძელი და 1500-ლარიანი კონდიციონერი.

2012 წელს ლანჩხუთის საკრებულოს თავმჯდომარეს შეუძინეს 1650-ლარიანი "პლანშეტური კომპიუტერი ჩანთით", 200-ლარიანი ტელეფონი კი საკრებულოს თავმჯდომარის მისაღებისთვის.

2009 წელს, ლანჩხუთის მუნიციპალიტეტის საკრებულოს თავმჯდომარის მოადგილეს (ზვიად აფხაზავა), 1436-ლარიანი კომპიუტერი და 430-ლარიანი "ნოკია" შეუძინეს. 2011 წელს - 1150-ლარიანი პერსონალური კომპიუტერი.

ჩამონათვალში მითითებულია, რომ 2012 წელს საკრებულოს თავმჯდომარის მოადგილეს გადაეცა მაგიდა, რომლის ღირებულება 3280 ლარია.

იხილეთ ვრცლად

”გურია ნიუსი”