ფოტორეპორტაჟი გურიის სტიქიის ზონიდან - დატბორილი სახლები, ევაუირებული მოსახლეობა და დაზიანებული ხიდები

ადიდებულია მდინარეები, დაზიანებულია ხიდები, დატბორილი სახლები, გზები და ბაღები - ფოტორეპორტაჟი გურიიდან

გურიაში სტიქიას ებრძვიან. გადაუღებელი წვიმის შედეგად ადიდებულია მდინარეები, დატბორილია საცხოვრებელი სახლები, გზები, საყანე ფართობები, დაზიანებულია მილხიდები.

სოფელ შემოქმედში მდინარე ბჟუჟი ისევ ადიდდა. სოფელში შეწყვეტილია სასწავლო პროცესი და ევაკუირებულია რამდენიმე ოჯახი.

რამდენიმე ადგილზე მეწყერი ჩამოწვა. სოფელ ზომლეთში, წითლიძეების საკარმიდამო ნაკვეთში ჩამოწოლილმა მეწყერმა საფრთხე შეუქმნა ოთხ ოჯახს, რომელთაგან ერთი ოჯახი უკვე ევაკუირებულია.

გთავაზობთ ფოტორეპორტაჟს სტიქიის ზონიდან. გამოყენებულია "ინტერპრესნიუსისა" და "გურია ნიუსის" ფოტოები.