იმედი მაქვს ფარნაოზ ჭკადუა სასამართლო დარბაზიდან გამოვა გარეთ - ნანუკა ჟორჟოლიანი

ტელეწამყვანი ნანუკა ჟორჟოლიანი ფეისბუქის პირად გვერდზე,  ფარნაოზ ჭკადუას დაკავების ფაქტს ეხმაურება, რომელიც გუშინ ღამით, "ასავალ-დასავალის" ჟურნალისტის, ზაზა დავითაიას ცემის გამო დააკავეს.

"იმედი მაქვს ფარნაოზ ჭკადუა სასამართლო დარბაზიდან გამოვა გარეთ. განსაკუთრებით მას შემდეგ მაქვს ეს იმედი, რაც კადრები ვნახე... ის მხოლოდ პრორუსული ძალების მიმართ სიტყვით იყო "აგრესიული" და არა მუშტით! იმედი მაქვს პოკურატურა მის და მისი მეგობრის პატიმრობას არ მოითხოვს. (მიუხედავად იმისა, რომ ამ ქვეყანაში პუტინის გინებისთვის აჯარიმებენ უკვე) იმედი მაქვს ამ ქვეყანაში ბევრად უფრო მეტნი ვართ ვინც ვფიქრობთ რომ რუსეთი მტერია, პუტინი ცუდი კაცი და ჩვენი ქვეყანა ერთადერთია!" - წერს ნანუკა ჟორჟოლიანი.