ქუთაისელი გოგონა: "ჩემი მეუღლე ციხიდან მემუქრება, რომ გამოვალ, მოგკლავო"
ქუთაისში მცხოვრები 22 წლის ახალგაზრდა ქალბატონი აცხადებს, რომ 6 წლის წინ მომავალმა მეუღლემ ის ცოლად ცეცხლსასროლი იარაღის მუქარით შეირთო. დაქორწინების შემდეგ კი მას ცემდა, აწამებდა და არაადამიანურად ექცეოდა.
"ქმარი მეუბნებოდა, რომ გაწამებ მსიამოვნებსო. ამიტომ დღეში ორჯერ-სამჯერ მცემდა. ერთხელ სტუმრები გვყავდა სახლში. საჭმელს ვაკეთებდი, დამიძახა, სასწრაფოდ მოდიო, ვუთხარი, ერთი წუთი დამელოდე, საჭმელი ჩამეწვება-თქო, ამაზე გაბრაზდა, მომვარდა და კედელზე ლამის მიმახრჩო. ახლა ჩემი მეუღლე ციხეშია. იქედან მითვლის, რომ როცა გამოვალ აუცილებლად მოგკლავო" - აცხადებს იმერეთში მცხოვრები ახალგაზრდა ქალბატონი, რომლის სახელსა და გვარს შეგნებულად არ ვასახელებთ.
ახალგაზრდა ქალბატონის თქმით, მას ფიზიკურ და სიტყვიერ შეურაცხყოფას დედამთილიც აყენებდა და რამდენიმე კვირის ფეხმძიმე კიბიდან დააგორა.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
