კახა მიქაიას განცხადებით, მას ავტომანქანა დაუმტვრიეს და სიტყვიერი შეურაცხყოფა მიაყენეს

ზუგდიდის მუნიციპალიტეტის საკრებულოს წევრის, კახა მიქაიას განცხადებით, მისი კუთვნილი ავტომანქანა წუხელ, 24 ოქტომბერს ქალაქ ზუგდიდის საკრებულოს აპარატის უფროსმა გრიგოლ მიქავამ დააზიანა. მიქაიას ავტომანქანას საქარე მინა აქვს დაზიანებული. როგორც დეპუტატი ყვება, აპარატის უფროსმა საქარე მინა მას შემდეგ ჩაამტვრია, რაც კახა მიქაიას მეგობრებმა დეპუტატთან მიახლოების საშუალება არ მისცეს. მიქაიას განმარტებით, მიქავა მის ცემას აპირებდა, მანამდე კი სიტყვიერი შეურაცხყოფა მიაყენა.

დაპირისპირების მიზეზად დეპუტატი საკრებულოს სხდომებზე ქალაქის საკრებულოს თავმჯდომარის და მერის მისამართით გაკეთებულ განცხადებებს ასახელებს. 

მომხდართან დაკავშირებით, კახა მიქაია პრემიერ-მინისტრს მიმართავს და ურჩევს, ზუგდიდში არსებულით სიტუაციით დაინტერესდეს.

იხილეთ ვრცლად

livepress.ge