შიშველმა პატარძალმა საქორწინო სალონი გაქურდა

ხორვატიის პოლიცია ოთხ გოგონას ეძებს, რომლებმაც საქორწინო კაბების სალონიდან კაბები მოიპარეს. აღნიშნულ საქმესთან დაკავშირებით, პოლიციას განცხადებით, სალონის 34 წლის მფლობელმა მიმართა.

ქალბატონის თქმით, ხუთშაბათს დაახლოებით, 17:00-ზე სალონში პატარძალი მივიდა, რომელსაც თან სამი მეგობარი ახლდა. გოგონამ კაბების მოსინჯვა დაიწყო და ყვებოდა ისტორიას, რომ მალე ქორწილი უნდა ჰქონოდა. სანამ პატარძალი საქორწინო ისტორიებით მაღაზიის პერსონალის გართობას ცდილობდა, მისმა მეგობრებმა რამდენიმე კაბას მოკიდეს ხელი და ქუჩაში გაიქცნენ. ამის შემდეგ, ფანჯრიდან საცვლების ამარა დარჩენილი პატარძალიც გადახტა და მათთან ერთად გაიქცა. მეპატრონის თქმით, ბოროტმოქმედები უზრუნველყოფილი ადამიანების შთაბეჭდილებას ტოვებდნენ. როგორც ცნობილია, მაღაზიის გასაქურდად გოგონები ტრეილერით მოვიდნენ.