ფილარმონიაში "თავისუფალი დემოკრატების" ყრილობა გაიმართა. პარტიის ყრილობაზე "თავისუფალი დემოკრატების" თავმჯდომარედ საქართველოს თავდაცვის ყოფილი მინისტრი ირაკლი ალასანია აირჩიეს.
ყრილობას ეხმაურება ტელეწამყვანი ეკა ხოფერია, რომელიც შთაბეჭდილებებს Facebook-ზე აქვეყნებს. ხოფერია მიიჩნევს, რომ ახალი, ძლიერი ოპოზიციური ძალის გამოსვლა პოლიტიკურ ასპარეზზე ქვეყნის განვითარებისთვის კარგია.
Facebook/ ეკა ხოფერია:
"გილოცავთ ახალი ძლიერი ოპოზიციური ძალის გამოსვლას პოლიტიკურ ასპარეზზე. რასაც არ უნდა ვფიქრობდეთ, ვის მიმართაც არ უნდა გვქონდეს პოლიტიკური სიმპატიები, უნდა შევთანხმდეთ, რომ ქვეყნისთვის ეს კარგია! და კარგია ისიც, რომ ყრილობაზე მისულ მაღალი თანამდებობის პირებს მოღალატეებს არ უწოდებენ. მოკლედ, მე ოპტიმისტურად ვარ განწყობილი და მინდოდა ეს თქვენთვისაც გამეზიარებინა", - წერს ეკა ხოფერია.