ეკლესიის გაქურდვისთვის დაკავებულის 7-შვილიანი ოჯახი სოფლის აბანოში ცხოვრობს

დედოფლისწყაროს მუნიციპალიტეტის სოფელ სამრეკლოში სერაფიმე საროველის ტაძრის ქურდობის ფაქტზე დაკავებული 21 წლის აკაკი ფოცხვერაშვილის ოჯახი ხელისუფლებას უყურადღებობაში ადანაშაულებს. 7 შვილიანი ოჯახი სიღატაკის ზღვარს ქვემოთ მყოფთა ერთიან ბაზაშია რეგისტრირებული. იმის გამო, რომ საკუთარი ჭერი არ აქვთ, მრავალშვილიანი ოჯახი უკვე მერამდენე წელია სოფელში მდებარე ყოფილი აბანოს ძველ შენობას აფარებს თავს.

"არავინ გვაქცევს ყურადღებას, ვის არ მივმართეთ, დამეხმარეთ-მეთქი, მაგრამ არავინ დაგვხმარებია" , - აცხადებენ ფოცხვერაშვილები.

"ქიზიყი.გე"-ს ინფორმაციით, ეჭვმიტანილი აკაკი ფოცხვერაშვილი წარსულში თანასოფლელების მაღაზიისა და 6 სული მსხვილფეხა რქოსანი პირუტყვის ქურდობისთვისაც არის ნასამართლევი. ოჯახის წევრების უმრავლესობას ჯანმრთელობის პრობლემები აქვს.

იხილეთ ვრცლად

qiziyi.ge