ეროვნული ბანკის ყოფილი პრეზიდენტი რომან გოცირიძე "ფეისბუქის" პირად გვერდზე საქართველოში რუსეთის გააქტიურების შესახებ წერს.
"აშკარად გააქტიურებულია რუსეთი საქართველოში. ნელ-ნელა იბრუნებს დასაყრდენს. დღეს რაღაც კულტურულ ღონისძიებას ჩაატარებს, ხვალ თბილისის გაზგამანაწილებელ სისტემას იყიდის, ზეგ გზების გახსნას მოგვთხოვს.
მეხუთე კოლონა პოლიტიკური ნიღბით ჩქმალავს თავის სახეს. ზოგი ყოფილ ხელისუფლებას ლანძღავს, ზოგი ახალს, ზოგიც ორივეს ერთად. ეს მოკლე გზაა ხალხის გულებისაკენ.
რითი შეუძლია მოხიბლოს ღარიბმა და მახინჯმა რუსეთმა თავისი რჩეული? მხოლოდ ორი რამით: ესაა ბაზარი და ერთმორწმუნეობა", - წერს გოცირიძე.