"შეიყვარეთ ტკივილი, მის გარეშე ჩვენი ფასი კაპიკია" - ნათია ფანჯიკიძის ემოციური პოსტი ვაჟის შესახებ

თავდაცვის ყოფილი მინისტრის ირაკლი ალასანიას მეუღლე, ფსიქოლოგი ნათია ფანჯიკიძე სოციალურ ქსელში ვაჟის შესახებ ემოციურ პოსტს აქვეყნებს:

"ნიკო და მისი ძმაკაცი ბახტო ბაკურიანში მიმყავს. 10-11 წლის არიან. მანქანაში უკან სხედან და ერთმანეთის შრამებს ათვალიერებენ:

ჩემი შვილი: "შუშა გავანგრიე და ხელი გავიჭერი, ძვალი მიჩანდა!"

ბახტო: "მე გლანდების ოპერაცია მაქვს გაკეთებული"

ნიკო: "მამაჩემს რომ ვეჭიდავებოდი, მომისროლა და თავი გამიტყდა"

ბახტო: "ეზოში წავიქეცი და..... "

ჩამოთვალეს ყველა გადატანილი ვავა და გათანაბრდნენ.

ნიკო ფირობს, ფიქრობს... და უცებ აღტაცებულს აღმოხდა:

"დედაჩემი გარაჟიდან გადახტა, მოტოციკლეტს დაეცა და ნეკნები ჩაემტვრა!" - მაგრამ არც ბახტო აღმოჩნდა ჯაბანი და მითუმეტეს არც დედამისი ეკა. ბახტო წელში გაიმართა და გამანადგურებელი გასროლა შეასრულა -

"დედაჩემს ბაკურიანში ბურანმა გადაუარა და ექვსი მოტეხილობა ჰქონდა!!!"

სიჩუმე..

ნიკუშა მხარზე მქაჩავს -

"დე, კიდევ რამე არ გჭირდა?" - ვედრებით..

"ეჰ... დე.. მგონი წავაგეთ " - სინანულით ვაქნევ თავს და უკან მიუხედავად ვხედავ ნიკო წყენისგან როგორ იღვენთება.

შეიყვარეთ, ადამიანებო, ტკივილი, მის გარეშე ჩვენი ფასი კაპიკია".