ქუთაისში კახა ბენდუქიძის სახელობის ქუჩას ითხოვენ

არასამთავრობო ორგანიზაცია "ევროპა ჩვენი სახლია" ქუთაისის საკრებულოს, ქუჩებისთვის საბჭოთა ლიდერების სახელების გადარქმევას სთხოვს. ორგანიზაციის წევრები ქუჩების გარდა, სკვერების სახელწოდების შეცვლასა და საბჭოთა ძეგლების აღებასაც ითხოვენ.

"ქუთაისის საკრებულო უნდა მოექცეს კანონის ფარგლებში და სასწრაფოდ უნდა მოახდინოს კომუნისტურ-ტოტალური იდეოლოგიის გამომხატველი სიმბოლოების აღმოფხვრა", - ამბობენ ორგანიზაციაში.

კახა ბენდუქიძე, ამბროსი ხელაია, ქაიხოსრო ჩოლოყაშვილი, მიხა ხელაშვილი, ახალმოწამეები და რობერტ შუმენი - ეს იმ ადამიანების ჩამონათვალია, რომელთა სახელობის ქუჩებსაც "ევროპა ჩვენი სახლიას" წარმომადგენლები ქუთაისში ითხოვენ.

იხილეთ ვრცლად

kutaisipost.wordpress.com