დედოფლისწყაროში 39 წლის მწყემსი გარდაცვლილი იპოვეს

დედოფლისწყაროს მუნიციპალიტეტში ე.წ. სამუხის ტერიტორიაზე მდებარე ერთ-ერთ ფერმაში 39 წლის მწყემსი გარდაცვლილი იპოვეს. მამაკაცი ახმეტის რაიონის სოფელ ზემო ალვანიდან იყო.

"გარდაცვლილი მამაკაცი დედოფლისწყაროში მწყემსად მუშაობდა. როგორც ვიცი, მისი ცხედარი აღნიშნულ ფერმაში მომუშავე მწყემსმა ნახა. სანადირო თოფით მოუკლავს თავი. რა გახდა თვითმკვლელობის მიზეზი, უცნობია",- განუცხადა კახეთის საინფორმაციო ცენტრს სოფელ ზემო ალვანის რწმუნებულმა ლევან მანჭარაულმა.

წყარო: ick.ge

კახეთის საინფორმაციო ცენტრი