"მთელი დუშეთი ღელავდა, როდესაც სასწრაფო მანქანამ პირველი ლედი სამშობიაროდ წაიყვანა" - მამა დავით ოქრუაშვილი
საქართველოს პრეზიდენტ გიორგი მარგველაშვილსა და მის მეუღლეს, მაკა ჩიჩუას ვაჟი შეეძინათ, რომელსაც წყვილმა თეიმურაზი დაარქვა [მეტი].
პატარა თეიმურაზის დაბადებას ეხმაურება მამა დავით ოქრუაშვილი, რომელიც დუშეთის მუნიციპალიტეტში, არაგვისპირში მსახურობს. მამა დავითი წყვილს ულოცავს ვაჟის შეძენას და ყვება, თუ როგორ ღელავდა დუშეთის მოსახლეობა, როდესაც პირველი ლედი სასწრაფო დახმარების მანქანამ სამშობიაროდ წაიყვანა.
"ვულოცავ!
ღმერთმა ბედნიერი და ჯანმრთელი უმყოფოს!
ეს პოლიტიკური განცხადება არ არის, პიროვნული პატივისცემა მინდა გამოვხატო ამ ოჯახის მიმართ. ჩემთვის სამაგალითოა, მათი ცხოვრების წესი: უბრალოება, უშუალობა... გუშინ მთელი დუშეთი ღელავდა, როდესაც სასწრაფო მანქანამ პირველი ლედი სამშობიაროდ წაიყვანა... :)) უკან გიორგის მანქანა მისდევდა... :))) ვინ როგორ აფასებს მის მოღვაწეობას არ ვიცი, მაგრამ ჩემთვის ამაღელვებელია ეს ყველაფერი. უბრალოებას ვერ ითამაშებ. ასეთი ბუნებით უნდა იყო!
ღმერთმა დალოცოს პატარა დუშელი ვაჟკაცი და ქვეყნის პირველი პირი, უკეთილშობილეს მეუღლესთან ერთად!", - დაწერა მამა დავითმა "ფეისბუქის" პირად გვერდზე.
ცნობილია, რომ გიორგი მარგველაშვილი და მაკა ჩიჩუა სწორედ დუშეთში აპირებენ პატარას გაზრდას. მათი სურვილია, რომ ახალშობილი ცხოველებისა და ფრინველების გარემოცვაში, დედაქალაქიდან მოშორებით გაიზარდოს, - ამის შესახებ ქვეყნის პირველმა ლედიმ რამდენიმე თვის წინ "დღის შოუში" სტუმრობისას განაცხადა.
ს
იახლე!
თუ დაინტერესებული ხართ მხოლოდ საზოგადოებრივი თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
