გავრცელდა ინფორმაცია, რომ საშა გრეი დონბასში გარდაიცვალა

წარსულში ცნობილმა ამერიკელმა პორნოვარსკვლავმა საშა გრეიმ უარყო ჭორები მისი გარდაცვალების შესახებ. ინტერნეტში გავრცელდა ინფორმაცია, რომ დონბასში გარდაცვლილი მედდა საშა სეროვა საშა გრეი გახლდათ.

”მე მიყვარს ჩემი რუსი ფანები, მაგრამ პროპაგანდამ ძალიან შორს შეტოპა. ინფორმაცია იმის შესახებ, რომ მედდა ვიყავი, რომელიც რუსეთ-უკრაინის კონფლიქტს ემსხვერპლა, წყეული პროპაგანდის ნაწილია”, - წერს გრეი ტვიტერზე.

განცხადებაში ნათქვამი იყო: ”გარდაიცვალა მედდა საშა სეროვა. ამ ძალიან სათუთ, მაგრამ ძლიერ გოგონას ბრძოლის ველიდან დაჭრილი ჯარისკაცები გამოჰყავდა. მასზე ამბობდნენ, რომ უიმედო პაციენტების ფეხზე დაყენება შეეძლო. მაგრამ ის ბრძოლიდან არ დაბრუნებულა. ის შეიპყრეს ხუნტის წევრებმა. თავიდან მას დასცინოდნენ და ყველაფერს ვიდეოზე იღებდნენ, შემდეგ კი ნაჯახით დაჩეხეს. ნათელში ამყოფოს". მომზადებულია topnews.ru-ს მიხედვით.