ორი წლის წინ ჭუბერში ავტოავარიის შედეგად დაღუპული გოგონას ცხედარი იპოვეს

2013 წლის 14 ივლისს ჭუბერი-ხაიშის მონაკვეთზე, მდინარე ენგურში ავტომანქანის გადავარდნის შედეგად დაღუპული გოგონას ცხედარი იპოვეს. შემთხვევას მაშინ ოთხი ადამიანი ემსხვერპლა, რომელთაგან ერთის, ნათია სახოკიას ცხედარს მხოლოდ გუშინ მიაკვლიეს. ამის შესახებ "ლაივპრესს" ჭუბერის თემის ტერიტორიული ორგანოს რწმუნებულმა ნინო ვიბლიანმა განუცხადა.

"გუშინ საღამოს, მდინარე ენგურზე ხიდს გადადიოდა პიროვნება, რომელმაც გვამი შენიშნა. რადგან გოგონას გვამი იყო, დაგვიკავშირდნენ ჭუბერში. გვამს აზღუდი და ოქროს ცეპი ქონდა შერჩენილი. ოჯახის წევრები არიან დარწმუნებულები, რომ ეს არის მათი მიცვალებული. ბიძამ და დეიდამ ამოიცნეს", - ამბობს ნინო ვიბლიანი.

მისივე ინფორმაციით, დაღუპულის ცხედარს ექსპერტიზა ჩაუტარდა და პირის იდენტიფიცირება მოხდა, რის შემდეგაც დაკრძალავენ.

იხილეთ ვრცლად

livepress.ge