ყველაზე ორიგინალური იდეა სააღდგომოდ: გაახვიეთ კვერცხი ფერად ქსოვილში და ნახეთ შედეგი! (+ვიდეო)

აღდგომა რამდენიმე დღეშია და ტრადიციისამებრ, ხვალ, წითელ პარასკევს კვერცხი უნდა შევღებოთ. რა თქმა უნდა, ჩვენს სააღდგომო სუფრაზე კვერცხი, ძირითადად, წითელი იქნება, თუმცა მის გასამრავალფეროვნებლად ეს იდეა გამოგადგებათ.

დაგჭირდებათ:

1. რამდენიმე ნაჭერი ფერადი, ჭრელი ქსოვილი;

2. თეთრი ქსოვილი;

3. თოკი ან სქელი ძაფი;

4. ძმარი;

5. კვერცხი.

შევუდგეთ საქმეს:

დაჭერით ქსოვილი ოთხკუთხედ ნაჭრებად, დაახლოებით 17X17 სმ-ზე. მჭიდროდ გაახვიეთ კვერცხები ჯერ ფერად, ხოლო შემდეგ თეთრი ქსოვილის ნაჭრებში. კარგად მოუკარით თოკით თავი. ასე შეფუთეთ ყველა კვერცხი.

მოათავსეთ ქვაბში და დაასხით ცივი წყალი. დაუმატეთ 3 სუფრის კოვზი ძმარი და დადგით ცეცხლზე. ხარშეთ 15 წუთი. შემდეგ გადმოდგით, გადაასხით წყალი, აცადეთ კვერცხს, გაცივდეს და მოხსენით თითოეულ კვერცხს ქსოვილი. ნახავთ, რა სილამაზე გამოგივათ!

იხილეთ ვიდეო