ბედნიერების საიდუმლო ბუნებასთან სიახლოვეშია

ბრიტანელი მეცნიერების აზრით, ადამიანის ბედნიერების საიდუმლო ბუნებასთან სიახლოვეშია.

ეკსეტერის უნივერსიტეტის მეცნიერებმა გრძელვადიანი კვლევა ჩაატარეს და დაამტკიცეს, რომ ადამიანი ბედნიერი და ოპტიმისტი მხოლოდ ბუნების წიაღში ხდება.

სპეციალისტები სოფლიდან ქალაქებში გადასახლებულ 5 000 დაოჯახებულ და 10 000 მარტოხელა ადამიანს დიდი ხნის განმავლობაში აკვირდებოდნენ. პროექტის ყველა მონაწილემ დაადასტურა, რომ როდესაც ისინი ბუნებასთან ახლოს ცხოვრობდნენ, გაცილებით ბედნიერები იყვნენ და სხვადასხვა ფობიები არ აწუხებდათ.

მეცნიერების დასკვნით, ბუნებასთან ახლოს მყოფი ადამიანის მდგომარეობა შეყვარებულთა ეიფორიას უტოლდება.

მომზადებულია gismeteo.ru-ს მიხედვით.