"ევროპაშიც შეიძლება მოიძიო მშიერი ადამიანები, ამერიკის შეერთებულ შტატებშიც... მიკვირს იმ ხალხის, ვინც ამას რამე ფასს ადებს" - არჩილ გამზარდია

"GDS"-ის ყოველკვირეული გადაცემა "კვირის 20/30"-ის წამყვანი არჩილ გამზარდია "ფეისბუქის" გვერდზე პოსტს აქვეყნებს, რომელშიც აღნიშნავს, რომ მშიერი ადამიანების მოძიება მსოფლიოს ნებისმიერ კუთხეშია შესაძლებელი:

"ევროპაშიც შეიძლება მოიძიო მშიერი ადამიანები, ამერიკის შეერთებულ შტატებშიც და ნებისმიერ ადგილას მსოფლიოში.... ამ ლოგიკით ყველა ქვეყნის ხელისუფლება "ამოსატრიალებელი" ყოფილა... მიკვირს იმ ხალხის, ვინც ამას რამე ფასს ადებს... დაახლოებით იგივეა, მშიერი ებრაელი მოეძიებინათ ნაცისტებს და ემტკიცებინათ, ჰიტლერი თუ გიშველითო..."

"საღამოს რესტორნებთან პარკინგის ადგილი არაა და მუდმივად საცობებს ვუჩივით .. და ა/შ/ და რა ვიცი... ესეც ფაქტორია. წუწუნიც რომ გვიყვარს ისიც,..." - წერს გამზარდია.

პოსტი "რუსთავი2"-ის სიუჟეტს ეხებოდა, რომელშიც ჟურნალისტები რეგიონებში გავიდნენ და იქ მცხოვრები ადამიანები ჩაწერეს.