"არაფერი აღარ დამრჩა, ლამის თავი ჩამოვიკიდო" - დაზარალებული აფენიდან

გადაუღებელი წვიმების გამო ადიდებულმა ალაზანმა სოფელი აფენი დატბორა. როგორც ერთ-ერთი დაზარალებული ამბობს, საზამთროსა და ნესვის ბაღი მთლიანად წყლით დაიფარა. მოსავლის მოსაყვანად ბანკიდან 8 ათას ლარიანი სესხი აქვს გამოტანილი.

"არაფერი მე აღარ დამრჩა, ლამის არის თავი ჩამოვიკიდო", - ამბობს ადგილობრივი ეკა ცარციძე.

სტიქიამ სოფელში დატბორა ვენახები და სიმინდის ნარგავები. "ხელისუფლებას რომ არხები თავის დროზე გაეწმინდა, ჩვენ აღარ დავზარალდებოდით", - ამბობენ ადგილობრივები.

ლაგოდეხის გამგებელი კახა ჯამბურია ამბობს, რომ მსგავსი სტიქიის დროს ადგილობრივი ხელისუფლება უძლურია, რადგან მუნიციპალიტეტს შესაბამისი ტექნიკა არ გააჩნია.

იხილეთ ვრცლად

რადიო "ჰერეთი"