მთიან სოფლებში უკან დაბრუნების მსურველები მატულობენ
გორის მუნიციპალიტეტის მთიანი და შერეული ქართულ-ოსური სოფლების - ველები, მღებრიანისა და საყავრის მოსახლეობისთვის, მზის ბატარეების მოწყობის მიზნით, 70 ათასი ლარი გამოიყო. იმის გამო, რომ 90-იან წლებში დაცლილი სახლების მდგომარეობა სავალალოა, ადგილობრივი მუნიციპალიტეტი მთის პროგრამის დახმარებას ელექტროენერგიის მიწოდების გაუმჯობესებით იწყებს. გორის გამგეობაში, უკან დაბრუნების მოთხოვნით, მოსახლეობის განაცხადების რაოდენობა მატულობს.
აღნიშნულ პროგრამაზე, გორის მუნიციპალიტეტის საკრებულოს საფინანსო-საბიუჯეტო კომისიის თავმჯდომარეს სოსო ვანიშვილს შენიშვნები აქვს.
"თუ აკეთებთ, მაშინ ყველა მოსახლეზე გააკეთეთ. რა უნდა ვუყოთ იმ მოსახლეს, რომელიც უკან დაბრუნდება და იგივეს მოგთხოვთ? ისინი დისკრიმინაციაში აღმოჩნდებიან", - უთხრა სოსო ვანიშვილმა რაიონის გამგებლის მოადგილეს გია წვერავას.
გია წვერავას თქმით კი, ჯერ მხოლოდ 7 ოჯახზეა საუბარი, რომელიც ამჟამად თითქმის დაცარიელებულ სოფლებში ცხოვრობს.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
