"მწვადი, ხინკალი, ჩაქაფული და ხაშლამა" - რა უჯდება თელავის გამგეობას "პახმელიაზე" გამოსვლა

"დემოკრატიული მოძრაობის" კახეთის რეგიონული ორგანიზაციის ხელმძღვანელმა ვალერი შოშიაშვილმა ბრიფინგი გამართა და თელავის თვითმმართველი თემის ბიუჯეტის არამიზნობრივი ხარჯვა გააპროტესტა. მან ის დოკუმენტები გაასაჯაროვა, სადაც აღნიშნულია, თუ რა თანხებს ხარჯავენ გამგებლის თანამშრომლები რესტორნებში ადგილობრივი ბიუჯეტიდან.

"ღორის მწვადი, ბასტუმრის მწვადი, ხინკალი, ჩაქაფული და ხაშლამა, ტვინი კეცზე - პრაქტიკულად, ყოველდღიურად ასეთი მენიუ აქვს გამოწერილი თელავის მუნიციპალიტეტის გამგეობას რესტორნებში, რომლის ასანაზღაურებლად თანხები ადგილობრივი ბიუჯეტიდან იხარჯება. საუბარია ათი ათას ლარზე, რომელიც ბოლო ოთხი თვის განმავლობაში თელავის ბიუჯეტიდან რესტორნებში გადაირიცხა. ამ თანხებით გამგეობის მაღალჩინოსნები ან "პახმელიაზე" გამოდიოდნენ, ან კიდევ საკუთარ ფინანსებს უფრთხილდებოდნენ. ეს იმ დროს, როდესაც მოსახლეობა მძიმე ეკონომიკურ მდგომარეობაშია და ხშირად პურის ფულიც სანატრელი აქვს. თელავის გამგეობა კი ქამრების შემოჭერის ნაცვლად, ფუფუნებას არ იკლებს", - ამბობს შოშიაშვილი.

იხილეთ ვრცლად

”სპექტრი”