"რეზიდენციასთან დაკავშირებით საკითხი დგას ასე: პრეზიდენტი გახდება ივანიშვილის მარიონეტი, თუ თავად მიიღებს გადაწყვეტილებას, სად დაჯდეს"
ათონელის რეზიდენციასთან დაკავშირებით საკითხი დგას ასე - საქართველოს პრეზიდენტი გახდება ივანიშვილის ხელში მარიონეტი, თუ თავად მიიღებს გადაწყვეტილებას, სად დაჯდეს, - ამის შესახებ "თავისუფალი საქართველოს" ლიდერმა, კახა კუკავამ ჟურნალისტებს განუცხადა.
მისივე განმარტებით, სხვა შემთხვევაში, ავლაბრის სასახლეში პრეზიდენტი იჯდება, პრემიერ-მინისტრი თუ საგარეო საქმეთა მინისტრი, სახელმწიფო ბიუჯეტს არანაირ შეღავათს არ მისცემს.
"ავლაბრის რეზიდენცია თავის დროზე არ უნდა აშენებულიყო, რადგან ბიუჯეტს ძალიან ძვირი დაუჯდა, მაგრამ ახლა, როცა აშენებულია, იქ პრეზიდენტი დაჯდება, პრემიერ-მინისტრი თუ საგარეო საქმეთა მინისტრი, ბიუჯეტს არანაირ შეღავათს არ მისცემს. ანუ, დღეს საუბარია არა ბიუჯეტის ხარჯების ეკონომიაზე, არამედ იმაზე, ამ ქვეყნის ფაქტობრივი მმართველი ბიძინა ივანიშვილი ყველაფერს თავის ჭკუაზე გააკეთებს თუ ვერა. რადგან პარლამენტი მის ჭკუაზე დადის, მთავრობა მის ჭკუაზე დადის, სატელიტური პარტიები და ბიზნესი მის ჭკუაზე დადიან. ერთადერთი ინსტიტუტი, რომელიც არ არის მის მიერ კონტროლირებული, არის სწორედ საქართველოს პრეზიდენტი. შესაბამისად, საკითხი დგას ასე: გიორგი მარგველაშვილიც გახდება მარიონეტი ბიძინა ივანიშვილის ხელში თუ თვითონ მიიღებს გადაწყვეტილებას, სად დაჯდეს. თორემ ფინანსურად ბიუჯეტს პრეზიდენტის ათონელის რეზიდენციაში გადასვლით ხარჯი არც მოაკლდება და არც მოემატება, რადგან როგორც ვხვდები, მთავრობა გეგმავს, რომ ავლაბრის სასახლეში ბერუჩაშვილი შემოუშვას", - განაცხადა კახა კუკავამ.
სიახლე!თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
