"ქუთაისის მერს მოვუყევი ჩემი გაჭირვება და მითხრა, მეც სიდედრთან ვცხოვრობო"
ქუთაისში მცხოვრები დარეჯან ურთმელიძე ადგილობრივი ხელისუფლებისგან საცხოვრებლით დაკმაყოფილებას ითხოვს. როგორც ქალბატონი ამბობს, ქუჩაში დარჩენა ემუქრება, რადგან ჭავჭავაძის #58-ში მდებარე საცხოვრებელი, რომელსაც თავი მშობლების სახლიდან წამოსვლის შემდეგ შეაფარა, გაიყიდა.
"მეხუთე თვეა აქ ვცხოვრობ. თვითონ მოვაკვლიე ამ შენობას. მშობლების სახლში ვეღარ გავჩერდებოდი, რადგან სახლი რამდენიმე ნაწილად გაიყო. სამი შვილი მყავს. მეუღლე ფსიქიკურად დაავადებულია და მკურნალობს. ბავშვებსაც ვერ ვანდობ. სოციალური დახმარებით ვსაზრდოობ, რომელითაც ბანკის ვალებსაც ვიხდი, რადგან შვილის ავადმყოფობის გამო ბანკიდან სესხი ავიღე. მერთან ვიყავი, ჩემი გაჭირვება მოვუყევი და მითხრა, მე თვითონაც სიდედრის ბინაში ვცხოვრობო. მას სტაბილური ხელფასი აქვს. ჩემი შემოსავალი კი ვალებში მიდის. ისე დავიღალე განუკითხაობით, თავის მოკვლაზეც ვფიქრობ", - ამბობს დარეჯან ურთმელიძე.
თავშესაფრის გარეშე მყოფი მოქალაქეების საცხოვრებლით დროებით უზრუნველყოფისათვის ქუთაისის მერიაში საბინაო ფონდის შექმნას ელოდებიან.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
