სამეგრელო ზემო-სვანეთის მოქმედი და ყოფილი გუბერნატორების და მათი მოადგილეების პრემიები

სამეგრელო ზემო-სვანეთის მოქმედი და ყოფილი გუბერნატორების და მათი მოადგილეების პრემიები

2012 წლის 1 იანვრიდან 2015 წლის აპრილის ჩათვლით, სახელმწიფო რწმუნებულების-გუბერნატორების ადმინისტრაციებში გაცემული პრემიისა და სახელფასო დანამატის შესახებ კვლევა ორგანიზაცია "საერთაშორისო გამჭვირვალობა - საქართველომ" გამოაქვეყნა. ჩატარებული კვლევის თანახმად, ქვეყნის მასშტაბით სამხარეო ადმინისტრაციებში 2012-2015 წლებში 3 მილიონ ლარზე მეტი პრემია და სახელფასო დანამატი გაიცა. ორგანიზაციაში განმარტავენ, რომ 2012 წელთან შედარებით, 2013-2014 წლებში, გაცემული პრემიების რაოდენობა ყველა გუბერნიაში შემცირდა, თუმცა 2014 წელს, იმაზე მეტი თანხა გაიცა, ვიდრე - 2013 წელს.

კვლევის მიხედვით, სამეგრელო ზემო-სვანეთის სამხარეო ადმინისტრაციაში, პრემიისა და დანამატის სახით 2015 წელს - 34 417 ლარი, 2014 წელს - 111 927, ხოლო 2013-ში 89 135 ლარი გაიცა. 2012 წელს კი 230 890 ლარია გაცემული. უფრო კონკრეტულად, 2014 წელს გუბერნატორ ლევან შონიას 4 425 ლარი პრემია და 26 550 ლარის დანამატი აქვს აღებული, ხოლო 2015 წელს 8 850 ლარი დანამატი - ჯამში 39 825 ლარი.

გუბერნატორის მოადგილე კობა ქანთარიას 2014 წელს პრემიის სახით 5 930 ლარი, ხოლო 2015 წელს დანამატი 3 776 ლარი აქვს აღებული, რაც ჯამში 9 706 ლარს შეადგენს. მეორე მოადგილეს კახაბერ რუსიას კი პრემიის სახით 2015 წელს 1 125 ლარი აქვს აღებული.

რაც შეეხება სამეგრელო ზემო-სვანეთის ყოფილ გუბერნატორებს, 2012 წელს გურამ მისაბიშვილმა პრემიის სახით 23 198 ლარი აიღო. ამავე წელს ზაზა გოროზიამ 7 311 ლარის ოდენობის პრემია გამოიწერა. 2013 წელს კი ამავე თანამდებობაზე მყოფმა თენგიზ გუნავამ 3 075 ლარი მიიღო.

იხილეთ ვრცლად

livepress.ge

იმერეთის გუბერნატორის ხელფასი გაორმაგდა

ორი ობლისა და ორი ბებიას შემზარავი გასაჭირი გურიაში

ფოთისა და ყულევის სანაპიროზე საშტორმო მდგომარეობა გამოცხადდა