"ვინდოუს 10"-ს სერიოზული პრობლემა აღმოაჩნდა

ავტონომიური მუშაობის დროის მნიშვნელოვნად შემცირების გამო, მომხმარებლები, რომლებიც "ვინდოუს 10"-ის საფინალო ვერსიას ტესტავენ, უკმაყოფილებას გამოთქვამენ. პრობლემის არსებობა "მაიკროსოფტში" დაადასტურეს და აღნიშნეს, რომ ის პროგრამული უზრუნველყოფის შეცდომამ გამოიწვია. "ვინდოუს 10"-ის ოფიციალური გამოსვლის თარიღი 29 ივლისი გახლდათ. მოასწრეს თუ არა პრობლემის გამოსწორება, ჯერჯერობით უცნობია.

აღსანიშნავია, რომ ხმოვანი დამხმარე ”კორტანა”, რომელიც Siri-ს საპასუხოდ შეიქმნა, კომპიუტერის ენერგომოხმარებას საგრძნობლად ზრდის. "ვინდოუს 10"-ის ტესტირების პროგრამაში მონაწილეების განცხადებით, ასისტენტის მუშაობა ოპერატიული სისტემის ერთ მეგაბიტს იკავებს.