გურჯაანში, პოლიციის სამმართველოსთან ახალგაზრდა ქალს ხელჩანთა გასტაცეს

ქალაქ გურჯაანში, პოლიციის სამმართველოს შენობიდან რამდენიმე მეტრში, ახალგაზრდა ქალი გაძარცვეს. უცნობმა პირმა ქუჩაში მიმავალ ქალს ხელჩანთა გასტაცა და მიიმალა.

როგორც კახეთის საინფორმაციო ცენტრს შს სამინისტროს პრესსამსახურში განუცხადეს, მომხდართან დაკავშირებით შსს-ში ოფიციალური შეტყობინება არ შესულა, თუმცა პოლიციამ შემთხვევის შესახებ საკუთარი წყაროდან შეიტყო და გამოძიება დაიწყო.

წყარო: ick.ge

კახეთის საინფორმაციო ცენტრი