თელავში ტაქსის მძღოლმა ორსული ქალი დანიშნულების ადგილის ნაცვლად ტყეში წაიყვანა

პოლიციელებმა თელავში დააკავეს ტაქსის მძღოლი, 29 წლის მამაკაცი, რომელმაც შსს-ს ინფორმაციით, მგზავრს, 23 წლის ორსულ ქალს თავისუფლება უკანონოდ აღუკვეთა. როგორც კახეთის საინფორმაციო ცენტრისთვის გახდა ცნობილი, ტაქსის მძღოლმა გოგონა დანიშნულების ადგილის ნაცვლად ქალაქგარეთ, შუამთის ტყეში წაიყვანა.

არაოფიციალური ინფორმაციით, მომხდარის შემდეგ ქალის ახლობლები მამაკაცს ფიზიკურად გაუსწორდნენ, მასზე იძალადეს, რის შედეგადაც მამაკაცი საავადმყოფოში მოხვდა.

წყარო: ick.ge

კახეთის საინფორმაციო ცენტრი