ლაგოდეხში 60-მდე სახლს პოლიეთილენი აფარია

სტიქიიდან ერთი კვირის შემდეგ, ლაგოდეხში ათეულობით ოჯახი კვლავ სახურავგადახდილ სახლებში ცხოვრობს. 60-მდე საცხოვრებელს სახურავის ნაცვლად პოლიეთილენი აფარია. მათ ოჯახებში ისე წვიმს, როგორც გარეთ.

დაზარალებულებმა დახმარების დაპირება კი მიიღეს, მაგრამ როდის დაიწყება სამუშაოები, მათთვის უცნობია.

ცნობილია, რომ ზარალის ოდენობა 120 ათას ლარს აჭარბებს. ადგილობრივი ხელისუფლება ამბობს, რომ თანხაზე მოთხოვნა გაკეთებული აქვთ და პასუხს ელოდებიან.

წყარო: heretifm.com

რადიო "ჰერეთი"