მეუფე დიმიტრის სასამართლოში უჩივიან - დაპირისპირება საპატრიარქოს სკოლაში
საპატრიარქოს მიერ დედოფლისწყაროში დაფუძნებული სკოლის აღმასრულებელი დირექტორი მაია ლაპიაშვილი თანამდებობიდან გაათავისუფლეს. ინფორმაციას ვახტანგ გორგასლის სახელობის სკოლაშიც ადასტურებენ და განმარტავენ, რომ ლაპიაშვილის შტატი გაუქმდა. მათი თქმით, ყოფილ დირექტორს საათები შეუნარჩუნდა, თუმცა, ხელშეკრულების გასაგრძელებლად მაია ლაპიაშვილი სკოლაში აღარ მისულა.
როგორც თანამდებობიდან გათავისუფლებული აღმასრულებელი დირექტორი qiziyi.ge-სთან საუბრისას აცხადებს, სკოლაში სულ სამ საათს სთავაზობდნენ, რის გამოც იქ დარჩენის აზრს ვეღარ ხედავს. მაია ლაპიაშვილი სასამართლოში ჩივილს გეგმავს, მანამდე კი სკოლისგან ოფიციალურ პასუხს ელოდება, თუ რის საფუძველზე გაათავისუფლეს თანამდებობიდან.
ვახტანგ გორგასლის სახელობის სკოლის დირექტორი ხორნაბუჯის და ჰერეთის ეპისკოპოსი დიმიტრი კაპანაძეა. აღმასრულებელ დირექტორად კი თეა სხირტლაძე დაინიშნა.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
