ხანძარი მოხეში - შვიდსულიანი ოჯახი საცხოვრებლის გარეშე დარჩა

ადიგენის მუნიციპალიტეტის სოფელ მოხეში, ხანძრის შედეგად შავაძეების საცხოვრებელი სახლი და სათავსოები მთლიანად განადგურდა. შემთხვევის შედეგად არავინ დაშავებულა, თუმცა, შვიდსულიანი ოჯახი ღია ცის ქვეშ დარჩა.

როგორც ადგილობრივებმა "სამხრეთის კარიბჭეს" განუცხადეს, მოხეში ხანძარი დაახლოებით ღამის პირველ საათზე გაჩნდა. ცეცხლი სწრაფად აალდა და მისი ლოკალიზება გაჭირდა. სახანძრო სამსახური და ადგილობრივები ცეცხლის ჩაქრობას დილამდე ცდილობდნენ.

"კვამლისგან დაიხოცა შინაური პირუტყვი. კაპიტალური სახლი იყო, კარგად გაკეთებული და მარტო კედლებია დარჩენილი", - ამბობს შავაძეების მეზობელი ოთარ მიქელაძე.

იხილეთ ვრცლად

”სამხრეთის კარიბჭე”